Türkmenistanyň daşary işler ministriniň orunbasary Wepa Hajiýewiň ýurdumyzyň Adalatçysynyň diwanynyň mümkinçiliklerine baha bermek üçin Aziýa ― Ýuwaş umman sebitiniň Forumynyň ýörite wekiliýeti bilen duşuşygy geçirildi. Onuň dowamynda adam hukuklary boýunça halkara hyzmatdaşlygy giňeltmek bilen bagly meseleler ara alnyp maslahatlaşyldy.
Türkmenistanda Adam hukuklary boýunça ygtyýarly wekiliň ― Adalatçynyň edarasynyň abraýly halkara guramalar, hususan-da BMG we onuň degişli ýöriteleşdirilen edaralary hem-de ÝHHG bilen işjeň hyzmatdaşlygy alyp barýandygy bellenildi.
Türkmen tarapy Türkmenistanyň Adalatçysynyň diwanynyň alyp barýan işleriniň aýratynlyklary we döredilen wagtyndan bäri gazanylan netijeler barada maglumat berdi.
