Türkmenistanyň wekiliýeti II Hazar ykdysady forumyna gatnaşýar. Çäre 5-6 oktýabrda Moskwada «Skolkowo» tehnoparkynyň çäginde geçýär, oňa Russiýanyň premýer-ministri Mihail Mişustin we «hazar bäşliginiň» ähli ýurtlarynyň ýokary wezipeli ýolbaşçylary gatnaşýarlar.
Türkmen wekiliýetine wise-premýer Hojamyrat Geldimyradow ýolbaşçylyk edýär.
5-nji oktýabrda tegelek stollar we logistikadan başlap syýahatçylyk taslamalaryna çenli temalaryň giň sanawyny öz içine alýan duşuşyklar geçirildi.
6-njy oktýabrda forumyň çäklerinde ähli hazarýaka döwletleriniň hökümet edaralarynyň wekilleriniň we öňdebaryjy kompaniýalarynyň ýolbaşçylarynyň umumy ýygnagy geçer. Forumyň dowamynda Hazarýaka sebitinde söwda-ykdysady we ylmy-tehniki hyzmatdaşlygyň esasy meselelerine serediler. Esasy ünsi ulag infrastrukturasy, energetika, daşky gurşawy goramak ulgamyndaky bilelikdäki taslamalara, şeýle hem sebitara arkalaşygy we medeni-ynsanperwerlik gatnaşyklaryny ösdürmeklige çekmek meýilleşdirilýär.
Forum ikinji gezek hazarýaka döwletleriniň hyzmatdaşlygyna degişli meseleleri ara alyp maslahatlaşmakda iň iri meýdança öwrülýär. Birinji Hazar ykdysady forumy 2019-njy ýylyň awgustynda Türkmenistanda geçipdi.
