Gamaleýa merkeziniň koronawirusa garşy “Sputnik V” sanjymynyň ýaramlylyk möhleti iki komponent üçin hem 18 aýa çenli uzaldyldy. Bu derman serişdeleriniň döwlet sanawynda ýerleşdirilen derman üçin täzelenen görkezmelerden gelip çykýar diýip, interfax.ru habar berýär.
“Ýaramlylyk möhleti. Doňdurylan serişde. Önümçilik meýdançasy PJ “Generium”, Russiýa: Komponent I – 18 aý, Komponent II – 18 aý” – diýlip, görkezmede bellenilýär.
Şu ýylyň 10-njy awgustynda Russiýanyň Saglygy goraýyş ministrligi COVID-19-a garşy “Sputnik V” sanjymlarynyň ýaramlylyk möhletiniň uzaldylandygyny habar berdi. Şonda ol dürli öndürijileriň serişdeleri üçin 6 aýdan 1 ýyla çenli bolupdy.
