Dubaý Expo-nyň meýdançasynda geljegiň şäherçesini açdy. Bu barada Euronews ýazýar.
Meýdança 4,5 inedördül kilometr töweregi giňişlikde Expo City Dubai atly hakyky futuristik şähere öwrülmek üçin barha ösýär. Expo City Dubai-yň resmi inagurasiýasy 1-nji oktýabrda geçer.
Expo City Dubai-y okuwyň, dynç alşyň we güýmenjeleriň, täzeçe işleýiş usully synaglaryň, startaplaryň zolagyna öwürmek meýilleşdirilýär. Bu ýerde köp kilometrlik welosiped ugurlary, biçak uly giňişlige ýaýylyp ýatan seýilgähler, şeýle hem bäş kilometre uzaýan ylgaw ýodasy ýerleşýär. Toplumyň çäginde myhmanhana hem bar. Şeýle-de, ýaşaýyş jaýlarynyň gurluşygy hem dowam edýär.
Expo City Dubai-daky durmuşyň artykmaçlygy — islendik nokada 15 minutda baryp bolýar. Amatly ýerleşen pyýadalar üçin ýodalar we awtonom ulag serişdeleriniň ugurlary muňa mümkinçilik berýär.
