Twitteriň paýdarlary Ilon Maskyň kompaniýany 44 mlrd dollara satyn almak baradaky teklibini makulladylar diýlip, sosial ulgamyň metbugat relizinde aýdylýar. Nobatdan daşary ýygnakda paýdarlaryň 98,6%-i şertnamany goldady. Olaryň goldamagy şertnamanyň şertleri bilen talap edilýärdi diýip, incrussia.ru habar berýär.
Twitter birleşmegi islendik wagt tamamlamaga taýýardygyny belledi. Eger bu bolmasa, kompaniýa şertnamanyň kazyýet işi arkaly amala aşyrylmagyny gazanar. Ol 17-nji oktýabrda başlar. Diňlenişik korporatiw işlerine ýöriteleşýän Delawer ştatynyň kazyýetinde geçiriler.
Eger kazyýet Twitteriň tarapynda dursa, Mask şertnamany ylalaşylan şertlerde – 44 mlrd dollara ýerine ýetirmeli bolar.
