Serdar Berdimuhamedow «kärizek» üzüminiň täze hasylyny ýygnamaga badalga berdi

  • 11.09.2022 16:47
  • 20k+

10-njy sentýabrda Prezident Serdar Berdimuhamedow Ahal welaýatynyň täze, döwrebap edara ediş merkeziniň ýanynda ýerleşýän harby we hukuk goraýjy edaralaryň Hojalyk müdirligine degişli bagçylyk we üzümçilik meýdanyna baryp gördi.

Üzüm ösdürilip ýetişdirilýän ýerde ýurdumyzyň harby we hukuk goraýjy edaralarynyň Hojalyk müdirliginiň başlygy Ç.Amanow bu ýerde alnyp barylýan işleriň ýagdaýy we üzümiň täze hasylyny ýygnamak işlerine taýýarlygyň derejesi barada hasabat berdi.
Müdirligiň ýolbaşçysynyň belleýşi ýaly, üzümiň Kärizek atly görnüşi hasyla durdy. Ç.Amanow bu barada aýtmak bilen, döwlet Baştutanyndan «kärizek» üzüminiň täze hasylyny ýygnamaga badalga bermegini haýyş etdi.
Serdar Berdimuhamedow üzümiň täze hasylyndan ýygyp, onuň köpçülikleýin ýygnalmagyna ak pata berdi.
Şeýle hem bu ýerde döwlet Baştutanynyň garamagyna müdirligiň üzümçilik meýdanlarynda ösdürilip ýetişdirilýän üzümleriň görnüşleri görkezildi. Bu ýerde üzümiň 10 görnüşi ösdürilip ýetişdirilýär. Olar Kärizek, Şaserpaý, Taýfy, Rowaç, Türkmen-içkimar, Sary kişmiş, Sagdäne, Garrygala, Akdäne, Gyzyl üzüm ýaly görnüşlerden ybaratdyr.
Belläp geçsek, harby we hukuk goraýjy edaralaryň Hojalyk müdirliginiň synag meýdançasynda üzümiň milli daýhançylyk däpleriniň we häzirki zaman ylmynyň gazananlarynyň utgaşdyrylmagynda täze döredilen bu görnüşine «Kärizek» adyny Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow dakdy.


28.10.2025 12:06
12k+

Oktýabr aýynyň soňky hepdesinde Türkmenistanda garaşylýan howa maglumaty

Oktýabr aýynyň soňky hepdesinde ýurdumyzda maýyl howa saklanar. Käwagt şemally howa bolar. Käbir welaýatlarda bolsa az-kem ýagyş ýagar. Aşgabatda wagtal-wagtal açylýan bulutly howa bolup, gündizlerine +20...+22 gradusdan +28...

24.10.2025 11:22
5.5k+

Türkmenistanda Gurbannazar Ezizowyň doglan gününiň 85 ýyllygy belleniler

Noýabr aýynda Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli aýdym-sazly dabara guralar. Bu barada 23-nji oktýabrda wise-premýer B...

20.10.2025 10:01
7.2k+

Türkmenistanda hepdelik howa maglumaty (20.10 - 26.10)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, gündogardan demirgazyk-günbatara ugruny üýtgedýän, tizligi sekuntda 9 — 12 metrden 13 — 15 metre ýetýän şemal öwser...

19.10.2025 08:31
4.9k+

Türkmenistanyň teatrlarynda daşary ýurt nusgawy sahna eserleriniň hepdeligi geçiriler

Türkmenistanyň hemişelik Bitaraplygynyň 30 ýyllygy mynasybetli ýurdumyzyň teatrlarynda “Hemişelik Bitaraplyk — dost-doganlyk binýady” atly hepdelik geçiriler. Bu babatda görülýän taýýarlyk işleri barada wise-premýer B...