Kataryň häkimiýetleri syýahatçylar üçin giriş düzgünlerini mümkin boldugyndan ýönekeýleşdirdi diýip, Russiýanyň Syýahatçylyk operatorlarynyň assosiasiýasy (ATOR) habar berýär. Bu barada gazeta.ru belleýär.
Ýagny, indi daşary ýurtly syýahatçylara sanjym şahadatnamasynyň gerek däldigi habar berilýär. Diňe uçuşdan azyndan 48 sagat öň tabşyrylan otrisatel PZR-barlagynyň ýa-da uçuşdan 24 sagat öň tabşyrylan ekspress barlagyň bolmagy ýeterlikdir. Bu düzgün çagalara-da degişlidir. Barlaglaryň netijeleri iňlis dilinde tabşyrylmaly.
Şeýle-de, ýurda girmezden üç gün öň www.ehteraz.gov.qa portalynda hasaba alynmaly we daşary ýurt pasportynyň ilkinji sahypasyny sistema ýüklemeli. Ýurda girmek üçin EHTERAZ mobil programmasyny işjeňleşdirmeli. Ol Katarda ähli jemgyýetçilik ýerlerine barmak üçin gerekdir.
Noýabr aýynda Katarda futbol boýunça dünýä çempionaty başlaýar. Ýurda girmek üçin täze düzgünler 4-nji sentýabrdan hereket edip başlady.
