Tesla kompaniýasy öz Semi elektrik ýük ulagynyň täze suratlaryny çap etdi. Insideevs portalynyň tassyklamagyna görä, gürrüň modeliň soňky, tapgyrlaýyn wersiýasy hakynda barýar. Suratda köp ýük göteriji ulag öň görkezilen prototiplerinden dizaýny bilen tapawutlanýar.
Şeýlelikde, «ýaşyl» ýük ulagy täze gapy eltutarlaryna, üýtgedilen optika we yzy görkezýän uly aýnalara eýe boldy. Ulag üstümizdäki ýylyň ahyrynda getirilip başlanar diýip garaşylýar. Ilkibaşda Tesla Semi 500 mil (804 km) ýöreýiş ätiýaçlygy berlen wersiýada goýberiler. Biraz soň amerikalylar ýük ulagyň 500 km ýöreýiş ätiýaçlygy bolan has elýeter wersiýasyny hem goýbermegi meýilleşdirýärler.
Täze ýük ulaglarynyň bahasynyň näçe boljagy heniz belli däl. Öň «500 milli» wersiýa alyjylara 180 müň dollara düşer diýip garaşylýardy. Emma indi çaklanyşyna görä, ulagyň bahasy 200 müň dollardan geçse gerek.
Tesla Seminiň güýç gurluşynyň düzümine dört elektrohereketlendiriji girer. Deslapky maglumatlara görä, ýük ulagy duran ýerinden 5 sekuntda 100 km/s-e çenli tizligini artdyryp bilýär, agramy 40 tonna bolan tirkegli bolsa 20 sekuntda şol tizligi alyp bilýär.
