30-njy awgustda Türkmenistanyň daşary işler ministri Raşid Meredowyň Katar Döwletiniň daşary işler ministri Muhammed ben Abdel Rahman Al Tani bilen telefon arkaly söhbetdeşliginde Prezident Serdar Berdimuhamedowyň Katar Döwletine resmi saparynyň guralmagynyň mümkinçiliklerini ara alyp maslahatlaşdylar. Bu barada TDIM-niň Metbugat gullugy habar berýär.
Nygtalyşy ýaly, telefon arkaly gepleşikleriň çäginde ikitaraplaýyn gatnaşyklaryň ugurlarynyň giň gerimi boýunça pikir alşyldy. Daşary işler ministrleri Söwda-ykdysady hyzmatdaşlyk boýunça bilelikdäki türkmen-katar hökümetara toparynyň işiniň wajyplygyna aýratyn ünsi çekdiler we onuň üçünji mejlisini ýakyn wagtda geçirmek barada ylalaşdylar.
Syýasy-diplomatik hyzmatdaşlygy ösdürmek maksady bilen, iki ýurduň DIM-leriniň ýolbaşçylary şu ýylyň güýzüniň ahyryna çenli Türkmenistanyň we Kataryň daşary syýasat edaralarynyň arasynda syýasy geňeşmeleriň guralmagynyň zerurdygyny nygtadylar.
