Bloomberg: Apple Hindistanda iPhone 14-i öndürip başlamagy meýilleşdirýär

  • 24.08.2022 18:42
  • 17k+

Amerikan kompaniýasy Apple Hindistanda iPhone 14 smartfonynyň önümçiligine başlamagy meýilleşdirýär. Bu barada Bloomberg agentligi habar berdi diýip, TASS belleýär.

Onuň maglumatlaryna görä, kompaniýanyň wekilleri Hindistanda täze iPhone modelini öndürmek üçin “güýçleri artdyrar ýaly üpjün edijiler bilen işleşýär”. Apple uzak wagtdan bäri öz iPhone smartfonlarynyň aglabasyny Hytaýda öndürýär, ýöne indi alternatiwalary tapmaga synanyşýar. Bu ABŞ bilen HHR-iň hökümetleriniň arasyndaky gatnaşygyň çylşyrymlaşmagy, şeýle-de Hytaýda koronawirus pandemiýasy bilen bagly çäklendiriji çäreleriň girizilmegi sebäpli “ykdysady işjeňligiň peselmek” töwekgelçiliginiň ýokarlanmagy bilen şertlendirilýär.
TF International Securities-iň abraýly analitiginiň pikiriçe, täze smartfon modeliniň Hindistandan we Hytaýdan bir wagtda iberilmegi Apple kompaniýasyna “üpjünçilik zynjyryny diwersifikasiýalaşdyrmaga we ätiýaçlyk kuwwatyny döretmäge” mümkinçilik berer.
17-nji awgustda Bloomberg täze iPhone 14 smartfonlarynyň tanyşdyrylyş dabarasynyň 7-nji sentýabrda boljakdygyny habar berdi. Satuwyň başlamagy 16-njy sentýabra meýilleşdirilýär.


18.07.2025 12:27
9.3k+

iPhone 17 täze A19 prosessoryny alar

Apple iPhone 17-niň esasy modelini täze A19 prosessory bilen enjamlaşdyrar. Bu barada insaýder we GF Securities-iň analitigi Jeff Pu habar berdi. Täze önümiň 2025-nji ýylyň ahyrynda çykarylmagyna garaşylýar. Punyň berýän maglumatyna görä, enjamyň adaty wersiýasy geçen ýylky modeline meňzeş 8 RAM göwrümini saklap galar...

17.07.2025 14:30
4.7k+

Galaxy S25 Ultra 2025-nji ýylyň iň gowy smartfony boldy

Tom’s Guide neşiriniň bilermenleri 2025-nji ýylyň iň gowy on smartfonynyň reýtingini düzdi. Sanawda öňdebaryjy Galaxy S25 Ultra boldy. Bilermenleriň pikiriçe, umumy aýratynlyklary boýunça onuň bilen deňleşip biljek ýok...

16.07.2025 12:48
2.4k+

Apple wintaž we könelişen enjamlaryň sanawynyň üstüni ýetirdi

Apple kompaniýasy birnäçe Mac, iPhone we iPad modellerini goşmak bilen, wintaž we könelişen önümleriniň sanawyny artdyrdy diýip, kompaniýanyň beýanatyna salgylanýan MacRumors habar berýär. Wintaž enjamlarynyň hataryna korpusynyň şekilinden hem tanalýan 2013-nji ýylyň Mac Pro-sy goşuldy...

16.07.2025 11:41
7.6k+

Hindistanyň iň baý adamy Mukeş Ambani telewizorlary kompýutere öwürmek isleýär

Reliance Industries konglomeratynyň düzümine girýän Jio Platforms hindi kompaniýasy telewizion pristawkalary ulanyjylar üçin wirtual PK hyzmatyny işe girizdi. Başlangyç Hindistanda millionlarça telewizorlary şahsy kompýuterlere öwürmäge gönükdirildi diýip, TechCrunch ýazýar...