Türkmenistan 28 — 30-njy sentýabrda Özbegistanyň Daşkent şäherinde geçiriljek elektronika, elektrotehnika, kabel-geçiriji önümler, “ýaşyl” energetika, tehnologiýalar we önümçilik boýunça halkara sergä gatnaşmaga çagyryldy.
Serginiň çäklerinde senagatyň öňdebaryjy önüm öndürijileri, ýöriteleşen haryt iberijiler we täze önümçilikler pudagyň ösüş meýillerini, ulgamlaýyn çözgütleri, enjamlary görkezerler. Şeýle-de olar söwdanyň çägini giňeltmäge, täze işewürlik aragatnaşyklaryny ýola goýmaga, serginiň meýdançasynda göni gepleşikleri geçirmäge, geljegi uly alyjylara öz önümlerini, tehnologiýlaryny ýa-da täze işläp taýýarlamalaryny görkezmäge mümkinçilik alarlar.
Umuman, «UzE-TechExpo» sergisine Özbegistandan, Türkmenistandan, Täjigistandan, Gazagystandan, Gyrgyzystandan, Azerbaýjandan, Russiýadan, Germaniýadan, Italiýadan, Belarusdan, Polşadan 7 müňden gowrak gatnaşyjy çagyryldy.
