Gurbanguly Berdimuhamedow Sindzo Abeni soňky ýoluna ugratmak çäresine gatnaşmak üçin Ýaponiýada bolar

  • 19.08.2022 07:48
  • 40k+
Gurbanguly Berdimuhamedow Sindzo Abeni soňky ýoluna ugratmak çäresine gatnaşmak üçin Ýaponiýada bolar

Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow 27-nji sentýabrda Ýaponiýanyň ozalky Premýer-ministri Sindzo Abeni döwlet derejesinde soňky ýoluna ugratmak çäresine gatnaşar. Bu barada Ýaponiýanyň Premýer-ministri Fumio Kisidanyň Prezident Serdar Berdimuhamedowa iberen hatynda aýdylýar.

Hususan-da, hatda: “Siziň Alyhezretiňize, Ýaponiýanyň ozalky Premýer-ministri Sindzo Abeniň pajygaly ýagdaýda biwagt aradan çykandygy zerarly, gynanç bildirendigiňiz hem-de medet beriji sözleriňiz üçin tüýs ýürekden hoşallyk bildirýärin. Şu ýylyň 11-nji iýulynda bolsa Siziň Alyhezretiňiziň adyndan merhumyň ýagty ýadygärligine bagyşlanyp, gurbanlyk sadakasy berildi. Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň 27-nji sentýabrda Ýaponiýanyň ozalky Premýer-ministri Sindzo Abeni döwlet derejesinde soňky ýoluna ugratmak çäresine gatnaşmaga isleg bildirendigi üçin hem hoşallyk bildirýärin” diýlip bellenilýär. 

Ýaponiýadaky iň soňky pandalar ýurtdan gidýär
düýn 11:37
7.2k+

Ýaponiýadaky iň soňky pandalar ýurtdan gidýär

2026-njy ýylyň ýanwar aýynyň ahyrynda Tokio haýwanat bagyndan iki ekiz panda Hytaýa äkidiler. Olar gidenden soň Ýaponiýa ýarym asyrda ilkinji gezek pandasyz galar diýip, Kyodo agentligi habar berýär. Tokio haýwanat bagy pandalaryň Hytaý bilen hereket edýän şertnamanyň esasynda iberilýändigini, çünki daşary ýurtda doglandygyna garamazdan ähli pandalaryň kanuny taýdan HHR-e degişlidigini nygtady...

GQ Japan neşiri Hideo Kodzimany ýylyň «Iň gowy döredijisi» diýip yglan etdi
30.11.2025 22:31
1.8k+

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

Ýaponiýada muzeý esaslandyryjysynyň bergilerini ýapmak üçin Hokusaýyň belli eserini auksiona çykardy
28.10.2025 12:33
5.3k+

Ýaponiýada muzeý esaslandyryjysynyň bergilerini ýapmak üçin Hokusaýyň belli eserini auksiona çykardy

Ýaponiýada “Okada” muzeýi XIX asyrda ýapon suratkeşi Kasusika Hokusaý tarapyndan döredilen meşhur “Kanagawadaky uly tolkun” atly grawýura eseri auksiona çykarar. Söwda 22-nji noýabrda Gonkongda geçiriler we ony “Sotheby’s” auksion öýi gurnar...

Ýaponiýada geljegiň ýüzýän şäheriniň – Dogeniň konsepsiýasy görkezildi
13.10.2025 10:07
14k+

Ýaponiýada geljegiň ýüzýän şäheriniň – Dogeniň konsepsiýasy görkezildi

2023-nji ýylyň tomsunda N-Ark ýapon kompaniýasy Dogen ady bilen ýüzýän şäheri gurmak meýilnamalaryny yglan etdi. Indi bu taslama barada giňişleýin maglumatlar peýda boldy diýip, New Atlas ýazýar. Ýokardan seredeniňde şäher içinde dürli desgalar bolan 4 km diametrli tegelek ýaly görner...