Türkmenistan «Bitewi Hytaý» syýasatyny goldaýar

  • 05.08.2022 19:13
  • 14k+

Türkmenistan köp ýyllaryň dowamynda esasy türkmen-hytaý resminamalarynyň hemmesinde bellenilip geçilen «Bitewi Hytaý» syýasatyny goldaýandygyny birnäçe gezek yglan etdi. Türkmenistanyň garaýşy üýtgewsiz galýar: türkmen tarapy «Bitewi Hytaý» syýasatyna ygrarly, halkara hukugy esasynda Hytaýyň özygtyýarlylygyny we çäk bitewiligini goldaýar. Bu barada Türkmenistanyň Daşary işler ministrliginiň Metbugat gullugynyň beýanatynda aýdylýar.

5-nji awgustda Türkmenistanyň Daşary işler ministrliginde Daşary işler ministriniň orunbasary W.Hajiýew Hytaý Halk Respublikasynyň Türkmenistandaky Adatdan daşary we Doly ygtyýarly Ilçisi jenap Sýan Naýçen bilen geçirilen duşuşykda diplomatlar däp bolan dostlukly türkmen-hytaý gatnaşyklarynyň mundan beýläk-de ösdürilmegi bilen baglanyşykly birnäçe meseleleri ara alyp maslahatlaşdylar. Häzirki wagtda bilelikdäki ykdysady we durmuş-medeni taslamalary durmuşa geçirmegiň ýokary netijeliligi bellendi.
Ikitaraplaýyn syýasy hyzmatdaşlygy güýçlendirmek maksady bilen, taraplar iň ýokary we ýokary derejeli duşuşyklaryň Türkmenistan bilen HHR-iň arasyndaky strategiki hyzmatdaşlygy çuňlaşdyrmagyň esasy görkezijileriniň biri bolup durýandygy nygtaldy. Şunuň bilen baglylykda, taraplar özara döwlet, parlament we hökümet saparlaryny guramak meselesini ara alyp maslahatlaşmagy teklip etdiler.
Diplomatlar halkara meseleleriniň üstünde durup, Türkmenistanyň we Hytaýyň dünýä gün tertibinde iň möhüm meseleler boýunça garaýyşlarynyň gabat gelýändigini ýa-da meňzeşligini mälim etdiler, şeýle hem sebitleýin ugurda bilelikdäki işjeň hereketleri barada nygtadylar.
Şeýle üstünlikli işleriň açary, iki ýurduň hem BMG-niň Tertipnamasynyň kadalaryny we ýörelgelerini berk berjaý etmegi we ilkinji nobatda döwletleriň özygtyýarlylygyna, territorial bitewiligine hormat goýmak, birek-biregiň içerki işlerine gatyşmazlyk ýörelgelerine esaslanmagy bolup durýandygy ykrar edildi.
Duşuşygyň ahyrynda taraplar ozal kesgitlenen meýilnamalara laýyklykda diplomatik gatnaşyklary dowam etdirmek barada ylalaşdylar.


düýn 16:48
9.9k+

Gurbanguly Berdimuhamedow Türki Döwletleriň Guramasynyň sammitine gatnaşmak üçin Azerbaýjana bardy

Şu gün, 7-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň döwlet Baştutanlarynyň XII sammitine gatnaşmak üçin, iş sapary bilen Azerbaýjan Respublikasynyň Gabala şäherine geldi...

düýn 13:13
4.3k+

Hytaýda dünýäde iň uly ýüzýän ýel generatory ýygnaldy, onuň rotory ýedi futbol meýdançasyna deň

Beýhaý portunda (Hytaýyň günortasyndaky Guansi Çžuan awtonom sebiti) 16 MWt kuwwaty bolan dünýäniň iň uly ýüzýän deňiz ýel generatoryny gurnamak işleri tamamlandy. Turbina “Üç jülge” bendi taslamasy bilen tanalýan China Three Gorges Corporation tarapyndan işlenip düzüldi...

düýn 06:49
8.3k+

Serdar Berdimuhamedow Wladimir Putini doglan güni bilen gutlady

Prezident Serdar Berdimuhamedow Russiýa Federasiýasynyň Prezidenti Wladimir Putine doglan güni mynasybetli tüýs ýürekden gutlaglaryny we iň gowy arzuwlaryny iberdi. Döwlet Baştutany Türkmenistanyň Russiýa Federasiýasy...

düýn 06:43
7.1k+

Serdar Berdimuhamedow Hatyra güni mynasybetli «Halk hakydasy» ýadygärlikler toplumyna gül goýdy

6-njy oktýabrda Hatyra gününde Prezident Serdar Berdimuhamedow «Halk hakydasy» ýadygärlikler toplumyna gül goýmak hatyra çäresine gatnaşdy. Bu gün 1948-nji ýylyň Aşgabat ýertitremesiniň pidalary hem-de söweş meýdanlarynda wepat bolanlar hatyralandy...