Apple amerikan kompaniýasynyň arassa girdejisi geçen çärýek geçen ýylyň degişli döwri bilen deňeşdirilende $2,3 mlrd azaldy. Şeýle maglumatlar kompaniýanyň maliýe hasabatyndan gelip çykýar.
25-nji iýunda tamamlanan üç aýlyk hasabat döwründe kompaniýanyň arassa girdejisi $19,442 mlrd boldy, 2021-nji ýylyň degişli döwründe bolsa bu görkeziji $21,744 mlrd bolupdy.
Apple gurluşlarynyň satuwyndan alnan girdeji $0,5 mlrd azaldy, şol bir wagtyň özünde dürli hyzmatlary hödürlemekden gazanylýan girdeji ýyllyk aňlatmasynda $2 mlrd artdy. Satuwyň flagmany iPhone smartfonlary bolup galýar - üç aýda tutuş dünýä boýunça şeýle gurluşlaryň 40 665 sanysy satyldy, bu bolsa geçen ýylyň degişli döwründäkiden 1 095 gajet köpdür. Şol bir wagtyň özünde kompaniýanyň beýleki gurluşlarynyň satuwy peseldi.
