Alymlar 58% çalt uklamaga kömek edýän düşekçe döretdiler

  • 25.07.2022 23:41
  • 20k+

ABŞ-nyň Ostin şäherindäki Tehas uniwersitetiniň bioinženerleri gyzyp we sowap bilýän özboluşly düşekçe we ýassyk döretdiler. Bu çalt uklamaga we ukynyň hilini ýokarlandyrmaga kömek edýär. Bu iş “Journal of Sleep Research” ylmy žurnalynda hödürlendi diýip, incrussia.ru habar berýär. 

Günüň dowamynda adamyň bedeniniň temperaturasy ýokarlanýar we peselýär, bu hem gujurlylygyň we ukuçyllygyň peýda bolmagyna laýyk gelýär. Garward lukmançylyk mekdebiniň uky lukmançylygy fakultetiniň işgäri Şahab Hagaýeg düşekçäniň bedeniň temperaturasyna duýgur içki datçikler bilen manipulirlemek arkaly uklamagy ýeňilleşdirýändigini düşündirýär. Düşekçe şol bir wagtyň özünde göwräni sowadýar we boýny, elleri we aýaklary gyzdyrýar.
Tehnologiýany synap görmek üçin alymlar 11 meýletinçini işe çekdiler. Olar düşekçäniň iki görnüşini hödürlediler: olaryň biri gyzdyrmak we sowatmak üçin suwy, beýlekisi howany ulanýar.
Barlagçylar uklamak prosesini kynlaşdyrmak üçin meýletinçilere adatdakysyndan iki sagat ir ýatmagy tabşyrdylar. Netijeler düşekçäniň gyzdyryş we sowadyş aýratynlyklarynyň ulanylmagynyň uklamagy 58% çaltlaşdyrandygyny görkezdi.
Alymlar meýletinçileriň diňe bir çalt uklaman, umuman, ukynyň hiliniň hem ýokarlanandygyny belleýärler. Munuň sebäbi arterial basyşyň peselmegi we munuň ýürek-damar ulgamyna netijeli dikelmäge mümkinçilik berýändigi bilen baglanyşyklydyr. 


düýn 13:04
2.2k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.2k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...

20.08.2025 14:19
10k+

Hytaýda robot balygyň kömegi bilen umman çuňluklary öwrenilip başlandy

Harbiniň inženerlik uniwersitetiniň (Hytaý) ylmy gözlegçileri ummanyň energiýasynyň hasabyna hereket edýän ýumşak robot balygy döretdi. Ol umman ýaşaýjylaryna zyýan ýetirmezden onuň çuňluklaryndaky ýaşaýşy öwrenmek üçin niýetlenýär...

19.08.2025 19:02
5.1k+

Hytaýda depressiýa garşy göreşmek üçin syçanlara adam beýnisiniň öýjükleri oturdyldy

Hytaýly alymlar sütün öýjüklerinden adam beýnisiniň öýjüklerini döredip, depressiýadan ejir çekýän syçanlara oturtdylar. Synaglaryň netijesinde öýjükleriň transplantasiýasy haýwanlarda aladany, göwnüçökgünlik duýgusyny azaltdy we lezzet almak ukybyny güýçlendirdi diýip, South China Morning Post neşiri ýazýar...