Syýahatçylar üçin baha-hil gatnaşygy boýunça Ýewropa şäherleriniň reýtingi düzüldi

  • 25.07.2022 12:39
  • 13k+

Syýahatçylar tarapyndan baha-hil gatnaşygy boýunça iň gowy diýlip hasaplanýan Ýewropa şäherleriniň reýtinginde birinji orny Horwatiýanyň Zagreb şäheri eýeledi. Şeýle statistikany syýahatçylar üçin serwis Mabrian hödürleýär diýip, www.tourprom.ru belleýär.

Horwatiýanyň paýtagty Rim, Barselona, Amsterdam we Pariž ýaly güýçli bäsdeşlerden öňe geçdi. Reýting üç görkezijini göz öňünde tutýar: howa gatnawynyň mukdary we hili, myhmanhanalar üçin ortaça baha we syýahatçylaryň kanagatlanma derejesi.
Şeýlelikde, 2022-nji ýylyň iýun aýynda iň gowy baha-hil gatnaşygy Zagreb şäherinde boldy. Horwatiýanyň paýtagty deňze çykmaýar hem-de howa gatnawy taýdan iň soňky ýurtlardan biridir. Şeýle-de bolsa, syýahatçylar ýokary kanagatlanma derejesini görkezdiler. Zagreb beýleki ugurlar bilen deňeşdirilende, ýaşamak üçin bäsdeşlige ukyply bahany hödürleýär. 
Ikinji orunda Afina ýerleşdi – ol myhmanhanalar üçin bahalaryň ýokary we syýahatçylaryň kanagatlanma derejesiniň pes bolmagy sebäpli Zagrebden yza galdy. Üçünji orny Sloweniýanyň paýtagty Lýublýana eýeleýär. Ol myhmanhanalar üçin has bäsdeşlige ukyply, ýagny pes bahalar bilen tapawutlanýar. Howa gatnawynyň çäkliligi sebäpli bolsa, ol üçünji orunda ýerleşdi. 

Ýewropanyň iň gowy syýahatçylyk ugurlarynyň doly sanawynda ýene 11 şäher bar. Reýtingiň liderleri şeýle görnüşde ýerleşýär:

1. Zagreb (Horwatiýa);
2. Afina (Gresiýa);
3. Lýublýana (Sloweniýa);
4. Rim (Italiýa);
5. Wena (Awstriýa);
6. Lissabon (Portugaliýa);
7. Madrid (Ispaniýa);
8. Milan (Italiýa);
9. Dubrownik (Horwatiýa);
10. Berlin (Germaniýa);
11. Amsterdam (Niderlandlar);
12. Pariž (Fransiýa);
13. Barselona (Ispaniýa);
14. London (Beýik Britaniýa).


düýn 17:45
252

Tatarystanda ýazyjy Tolkiniň äheňinde "hobbitler obasy" gurlar

Kazandan 36 km uzaklykda, Aldermyş obasynyň golaýynda Jon R.R Tolkiniň hyýaly arhitektura dünýäsinden ylhamlanan "hobbit obasy" gurlar. Ol Tengre eko-toplumynyň bir bölegi bolar diýip, “Tatar Inform” neşiri  habar berýär...

düýn 09:59
158

Türkmenistan Duşenbede «DITE-2025» sergisinde syýahatçylyk mümkinçiligini görkezdi

18–20-nji sentýabr aralygynda Duşenbe şäherinde «DITE-2025» halkara syýahatçylyk sergisi (Dushanbe International Tourism Exhibition) geçirildi. Türkmenistanyň syýahatçylyk şereketleri bu sergide ýurdumyzyň syýahatçylyk mümkinçiliklerini görkezdiler diýip, "Türkmenistan: Altyn asyr" elektron neşiri habar berdi...

düýn 09:37
250

Haýsy şäherlerde bir otagly öýi kärendesine almak has gymmat: dünýä paýtagtlarynyň reýtingi

RIA Nowosti agentliginiň analitikleri açyk maglumatlaryň esasynda dünýäniň iň uly ykdysadyýetleriniň paýtagtlarynda bir otagly öýi kärendesine almagyň bahasyny hasaplady. Hasaplamalara görä, ýaşaýyş jaýy Londonda we Singapurda has gymmata düşýär – aýda 2,7 müň dollardan gowrak...

28.09.2025 23:53
73

Dubaýda 76-njy gatda panoramaly howuzly dünýäniň iň beýik myhmanhanasy açylar

2025-nji ýylyň noýabrynda Dubaýda dünýäniň iň beýik myhmanhanasy bolan Ciel Dubai Marina açylar. Boýy 377 metr bolan bina tutuşlygyna myhmanhana we geljegiň şäheriniň ýene bir nyşanyna öwrüler. 82 gatly myhmanhana Vignette от IHG kolleksiýasynyň bir bölegidir...