Türkmenistanda hepdelik howa maglumaty (18.07 — 24.07)

  • 18.07.2022 07:42
  • 56k+

Şu hepde Türkmenistanda adatdan daşary yssy bolar, diýip howa maglumaty gullugy habar berýär. Ýurdumyzyň käbir sebitlerinde temperaturanyň +47 derejä ýetmegi mümkin. Birentek ýerlerde şemalyň tizligi sekuntda 19 metre ýeter.

Aşgabatda we Ahal welaýatynda duşenbe güni +43 dereje yssy bolar. Sişenbe we çarşenbe günleri howanyň temperaturasy +41 - +42 derejede saklanar. Penşenbe güni howa +44 derejä çenli gyzar, anna güni hem howanyň ýagdaýy şeýleräk bolar. Dynç günleri howur biraz peselip, şenbe güni howa +42 we ýekşenbe güni +41 dereje bolar diýip çaklanylýar.

Balkan welaýatynda duşenbede we sişenbede temperatura +43 derejede saklanar, çarşenbe güni bolsa +44 derejä çenli gyzar. Howa maglumaty gullugy penşenbe güni howanyň aňrybaş temperaturasynyň +40 derejä, anna güni bolsa +38 derejä çenli peselmegine garaşylýar diýip habar berýär. Şenbe güni temperaturanyň +39, ýekşenbe güni bolsa +35 derejelerde saklanmagyna garaşylýar.

Daşoguz welaýatynda hepdäniň başyndan başlap howa kem-kemden gyzar — duşenbe güni +42, sişenbe güni +43, çarşenbe güni +44, penşenbe güni +46, anna güni bolsa +47 dereje yssynyň bolmagyna garaşylýar. Diňe dynç günleri howur biraz peselip, şenbe güni howa +44 we ýekşenbe güni +43 dereje bolar. Şeýle hem dynç günleri şemalyň  güýçlenmegine, tizligi sekuntda 17 metre ýetmegine garaşylýar.  

Mary welaýatynda duşenbe we sişenbe günleri aňrybaş temperaturanyň +43 dereje bolmagyna garaşylýar. Hepdäniň ilkinji günleri şemalyň tizligi sekuntda 16 metre ýetmegi mümkin. Çarşenbe we penşenbe günleri howa +45 derejä çenli gyzar, şemalyň tizligi bolsa sekuntda 15 metre ýeter. Anna güni +47 dereje yssy bolar. Şenbe güni yssy biraz düşüşip, howa +44 dereje bolsa-da, ýekşenbe güni ýene gyzyp başlar we +46 derejä çykar.  

Lebap welaýatynda tutuş hepdäniň dowamynda tizligi sekuntda 15 - 19 metre ýetýän şemalyň bolmagyna garaşylýar. Duşenbe we sişenbe günleri howanyň derejesi +44-de saklanar. Çarşenbe we penşenbe günleri howa +45 derejä çenli gyzar. Anna güni +47 derejä çenli yssy bolmagy mümkin. Dynç günleri temperatura +46 dereje bolar diýip garaşylýar.

Yssy günlerde ir sagat 10-dan öýlän sagat 17-ä çenli açyk howa çykmak maslahat berilmeýär, bu aýratynam ýürek-damar ulgamynyň kesellerinden ejir çekýänlere, gartaşan adamlara we kiçi ýaşly çagalara degişlidir. Şeýle hem bedende suwuň ýeterlik mukdarda bolmagy üçin köpräk suw içmelidir. 


30.05.2025 13:16
9.3k+

“Bir Supra” çörek önümleri dükany Gurban baýramy mynasybetli arzanlaşyk yglan etdi

Aşgabatda «Bir Supra» ady bilen hereket edýän çörek we çörek önümleri dükanlary Gurban baýramy mynasybetli däp bolan arzanlaşyk aksiýasyny yglan etdi. Her ýyl geçirilmegi däbe öwrülen arzanlaşyklar bu ýyl iýun aýynyň 1-inden 30-y aralygynda hereket eder...

27.05.2025 19:55
7.5k+

Bambuk gülüniň saglyga peýdasy we ideg edilişi

Bambuk (köplenç "lucky bamboo" diýlip atlandyrylýar, botanik atlary Dracaena sanderiana ýa-da Dracaena braunii) güli diňe bir gözellik bermek bilen çäklenmän, eýsem, ýaşaýyş gurşawymyza we ynsan saglygyna oňyn täsir edýän aýratynlyklara hem eýedir...

23.05.2025 17:02
4.3k+

“Kitap” bilim merkezinde tomusky okuwlara 50%-den 100%-e çenli arzanlaşyk bilen ýazylyp bolýar

“Kitap” bilim merkezinde täze okuw möwsümi üçin ýazylyşyk başlady! Okuwlar 10-njy iýunda başlanýar. Bilim merkezinde şu ugurlar boýunça okuwlar hödürlenýär: DIL okuwlary: Iňlis dili Rus dili Nemes dili Fransuz dili Hytaý dili TOEFL/IELTS (Halkara synaglaryna taýýarlyk) PROGRAMMIRLEME: Flutter GUI/GUI Kit Cisco Packet Tracer C++/C# Python Go (Golang) JavaScript (Front-End Back-End, Node...

30.04.2025 15:39
10k+

“Bagt şäher” jaý satyn almak-satmakdan başlap, abatlaýyş işleri boýunça hyzmatlary hödürleýär

"Bagt şäher" gozgalmaýan emläk agentligi diňe bir jaý satyn almaga ýa-da satmaga däl, eýsem müşderiniň islegine görä jaý tapmakdan başlap, dizaýn we abatlaýyṣ işleri boýunça hyzmatlary hem hödürleýär. Jaý satyn almak, satmak, kärendesine bermek işleri hemişe wagty hem ýörite tagallalary talap edýär...