Hytaýyň Şanhaý şäherindäki zawodda önümçiligiň togtadylmagy sebäpli şu ýylyň II çärýeginde Tesla kompaniýasynyň elektromobil önümçiligi azaldy. Bu barada TASS habar berýär.
Şeýlelikde, aprel aýyndan iýun aýy aralygynda Tesla 258 580 awtoulag öndürdi, bu hem 2022-nji ýylyň birinji çärýegi bilen deňeşdirilende, 15,3% azdyr. Şol bir wagtyň özünde, ahyrky sarp edijilere 254 695 awtoulag gowşuryldy (şu ýylyň birinji çärýegine garanyňda, -17,9%).
Bellenilişi ýaly, işiň netijesine komponentler bilen üpjünçiligiň kesilmegi hem-de COVID-19 sebäpli mart aýynyň ahyrynda Şanhaýdaky kärhananyň işiniň togtadylmagy ýaramaz täsir etdi.
