«Awaza» gitmegi onlaýn resmileşdirmek boýunça gözükdirme

  • 16.05.2022 18:55
  • 41k+

15-nji maýda Hazaryň türkmen kenaryndaky «Awaza» milli syýahatçylyk zolagynda resmi taýdan  tomusky dynç alyş möwsümi başlandy. Syýahata ugramak üçin  dynç almak isleýänleriň birnäçe kadalary, şol sanda onlaýn proseduralary berjaý etmekleri zerur. TmCars.info saýtymyz ORIENT salgylanyp, düzgünleri dykgatyňyza ýetirýär. 

Bellik: Awaza gitmegi  resmileşdirmegiň düzgünleriniň üýtgemegi mümkin. Şeýle bolan ýagdaýynda şu habara üýtgeşmeler giriziler. Gözükdirme 2022-nji ýylyň 14-nji maýyna degişlidir.

Zerur resminamalar
Awaza dynç alşa gitmek üçin şu aşakdakylaryň elektron nusgalaryny görkezmeli:

  • pasport
  • syýahatçylyk ýollanmasy
  • COVID-19-a garşy sanjym alnandygy baradaky güwänama.

Awaza syýahatçylyk ýollanmasyny kärdeşler arkalaşygynyň degişli bölümine ýüz tutup, iş ýeriňden we syýahatçylyk agentlikleriniň üsti bilen alyp bolýar.
COVID-19-a garşy sanjym alnandygy hakyndaky güwänama sanjym alan saglygy goraýyş edaraňyzda berilýär. 

Myhmanhanadan ýer bronlamak
Awaza.gov.tm onlaýn saýtynda Awazanyň myhmanhanalarynyň islendiginden ýer bellemek bolar. Munuň üçin:

  • saýtda telefon belgiňi we elektron poçtaňy görkezip, bellige aldyrmaly;
  • saýtyň baş sahypasynda soramak arkaly gerekli myhmanhanany tapmaly;
  • özüňiz hakyndaky we myhmanhana ýerleşmek isleýän wagtyňyz baradaky maglumatlary görkezmeli.

Şeýle-de, Awazanyň käbir myhmanhanalaryndan ýeri myhmanhananyň gönüden-göni öz saýtyna girmek arkaly hem bronlap bolar, mysal üçin — «Bagtyýar» myhmanhanasyndan.

Elektron rugsatnamany resmileşdirmek
Awaza gitmek üçin Türkmenistanyň Migrasiýa gullugynyň saýtynda elektron rugsatnamany resmileşdirmeli. Munuň üçin:

  • şu salga girmeli,
  • «Şahsy maglumaty giriz+» diýen ýazgyly ýaşyl düwmä basyp, özüňiz baradaky maglumatlary giriziň,
  • dynç aljak myhmanhanaňyz baradaky maglumaty we dynç aljak senäňizi giriziň, şondan soň «Awazada dynç almaga rugsatnama resmileşdirmek üçin  sargyt bermek» diýen düwmäni basmaly.
  • hasaba durup, «şahsy otaga» giriň,

Migrasiýa gullugy siziň beren maglumatlaryňyzy seljerer we şahsy otagyňyza elektron rugsatnamany ýollar we bu barada bellige aldyraňyzda görkezen telefon belgiňize SMS ugradyp, sizi habarly eder.

Uçara petek satyn almak

Uçar petegini «Türkmenistan» awiakompaniýasynyň resmi saýtyndan we Android hem iOS üçin mobil goşundydan, ýa bolmasa Google Play-de we App Store-de elýeter bolan Saraý mobil goşundysyndan satyn alyp bolar.


05.10.2025 12:36
4.7k+

BAE syýahatçylar, IT hünärmenleri we çäre myhmanlary üçin täze wiza kategoriýalaryny girizdi

Birleşen Arap Emirlikleriniň häkimiýeti täze wiza kategoriýalaryny girizdi we bar bolanlaryň şertlerini täzeledi. Bu barada Şahsyýet, raýatlyk, gümrük we port howpsuzlygy meseleleri boýunça federal edara salgylanyp, Gulf News habar berýär...

30.09.2025 17:45
4.2k+

Tatarystanda ýazyjy Tolkiniň äheňinde "hobbitler obasy" gurlar

Kazandan 36 km uzaklykda, Aldermyş obasynyň golaýynda Jon R.R Tolkiniň hyýaly arhitektura dünýäsinden ylhamlanan "hobbit obasy" gurlar. Ol Tengre eko-toplumynyň bir bölegi bolar diýip, “Tatar Inform” neşiri  habar berýär...

30.09.2025 09:59
5k+

Türkmenistan Duşenbede «DITE-2025» sergisinde syýahatçylyk mümkinçiligini görkezdi

18–20-nji sentýabr aralygynda Duşenbe şäherinde «DITE-2025» halkara syýahatçylyk sergisi (Dushanbe International Tourism Exhibition) geçirildi. Türkmenistanyň syýahatçylyk şereketleri bu sergide ýurdumyzyň syýahatçylyk mümkinçiliklerini görkezdiler diýip, "Türkmenistan: Altyn asyr" elektron neşiri habar berdi...

30.09.2025 09:37
9.1k+

Haýsy şäherlerde bir otagly öýi kärendesine almak has gymmat: dünýä paýtagtlarynyň reýtingi

RIA Nowosti agentliginiň analitikleri açyk maglumatlaryň esasynda dünýäniň iň uly ykdysadyýetleriniň paýtagtlarynda bir otagly öýi kärendesine almagyň bahasyny hasaplady. Hasaplamalara görä, ýaşaýyş jaýy Londonda we Singapurda has gymmata düşýär – aýda 2,7 müň dollardan gowrak...