Kanada 2026-njy ýylyň 19-njy iýunyndan 7-nji sentýabryna çenli «Parks Canada» guramasynyň garamagyndaky milli seýilgählere, taryhy ýerlere we deňiz goraghanalaryna girmek üçin tölegleri bütinleý ýatyrýar.
Şol bir wagtyň özünde, «Parks Canada-nyň» çadyrly düşelgelerinde hem-de beýleki ýerleşiş ýerlerindäki ýurtalarda, agaç öýjüklerde, indeýleriň adaty çadyrlarynda we taryhy ýerlerdäki binalarda düşlemek isleýän syýahatçylar 25 göterim arzanlaşykly brondan peýdalanyp bilerler.
Bu maksatnama tutuş ýurt boýunça ýerleşýän ähli syýahatçylyk künjeklerine – meşhur buzly kölleri bolan «Banf» milli seýilgähinden başlap, tä «Gros-Morn» belentliklerine çenli degişlidir.
«Parks Canada» guramasynyň bellemegine görä, mugt giriş ulgamy syýahatçylara bir saparyň dowamynda birnäçe seýilgähe aýlanmaga we ýurduň içindäki syýahatçylyk çykdajylaryny ep-esli azaltmaga mümkinçilik berer.
Şeýle hem, «Air Canada» awiakompaniýasy tomus möwsüminde Monreal bilen Ýewropanyň birnäçe şäherleriniň (Pariž, Berlin, Amsterdam, Brýussel, Rim we Dublin) arasynda göni gatnawlary amala aşyrýar. Mundan başga-da, Torontodan Barselona, Madrid, Wena, Praga we Ýewropanyň beýleki şäherlerine uçuşlar elýeterlidir.
Düzüminde 150-den gowrak köli bolan «La-Morisi» milli seýilgähi Monreal şäherine iň ýakyn tebigy künjekleriň biridir. Toronto şäheriniň golaýynda bolsa «Georgian Bay Islands», «Thousand Islands» (Müň ada) we «Point Pelee» seiýlgähleri ýerleşýär.
