Amerikaly telekeçi Ilon Mask Twitter sosial torunyň paýnamalarynyň 9,2%-ne eýedigini aýtdy diýip, ABŞ-nyň Gymmatly kagyzlar boýunça komissiýasynyň saýtynda habar berilýär.
Çap edilen resminama laýyklykda, Maska 73,5 mln töwerek paýnama degişli. Bu paýnamalaryň umumy sanynyň 9,2%-ni düzýär. Telekeçi, megerem, Twitteriň paýnamalarynyň iň iri saklaýjysy bolsa gerek.
Şu täzelikleriň fonunda kompaniýanyň paýnamalarynyň bahasy 25% gymmatlady.
SpaceX amerikan kompaniýasyny esaslandyryjy Ilon Mask ozal täze sosial tory döretmek hakyndaky pikire çynlakaý garaýandygyny habar beripdi. Şonda Twitteriň ulanyjylarynyň biri az wagyz-nesihatly, ilkinji nobatda söz azatlygyna üns berilýän sosial tory döretmek meselesine nähili garaýandygyny sorapdy.
