Mýunhende depesi Gün panelli awtobuslar synagdan geçirilýär

  • 05.04.2022 14:22
  • 11k+

Sion günmobillerini işläp taýýarlaýjy we olaryň geljekki öndürijisi, Sono Motors ýaş nemes kompaniýasy Mýunhe niň şäher ulag guramasy bilen bilelikde şäheriň tejribe geçirilýän ugurlaryna depesi Gün panelli ýolagçy awtobus tirkegini goýberer.

Ulagyň depesindäki paneller ýangyjy tygşytlamaga we CO2-niň atmosfera zyňylmagynyň derejesini peselder. Şäheriň howasy arassa bolar, ulanyşa we hyzmat edişe çykarylýan çykdajylar azalar. 
Sono Motorsyň hasaplamalaryna görä, her bir ýolagçy tirkegi (hakykatda şol bir awtobus, ýöne sürüjisiz we adaty awtobusa gaty birleşdiriji bilen tirkelen) ýylda 2 500 litre çenli dizel ýangyjyny tygşytlar.
Tutuşlygyna alanyňda, tirkegiň güýç alyş ulgamynyň Gün energiýasyna bölekleýin geçmegi netijesinde bu ulag serişdeleriniň hersi atmosfera goýberýän CO2 zyňyndylaryny ýylda 6,5 tonna azaldar. Bu bolsa 300 awtobusly parka ep-esli tygşytly bolmaga we ekologiýa arassalygyna täsirini ýetirmäge mümkinçilik berer.
Häzirki wagtda Mýunheniň käbir ugurlaryna Gün tirkeglerini goýbermek üçin rugsat beriji resminamalary taýýarlamak işi dowam edýär. Ulag kompaniýasy we häkimiýetler işläp taýýarlaýjynyň aýdýan peýdasyna iş ýüzünde göz ýetirmek isleýärler. Şeýle hem tejribede ulanyş mahaly, Gün energiýasynyň ýygnalyşy nukdaýnazardan, has geljegi bar ugurlar kesgitlener.


22.06.2025 18:06
6.5k+

Neuralink-iň çibi oturdylan meýletinçi bir hepdede pikiriň güýji bilen wideo oýun oýnamagy öwrendi

ABŞ-nyň Aýdaho ştatynyň ýaşaýjysy Rob Greýner Neuralink kompaniýasynyň neýroçibi oturdylan altynjy meýletinçi boldy. 2022-nji ýylyň dekabryndaky awtoulag heläkçiliginden soň ysmaz bolan erkek adam indi ekrandaky kursory elleriniň kömegi bolmazdan, diňe pikir güýji arkaly dolandyryp bilýär...

12.06.2025 12:26
8.1k+

Amerikan restoranynda azatmahynyň emeli eti hödürlenip başlandy

ABŞ-nyň Azyk önümlerine we derman serişdelerine gözegçilik edarasy (FDA) Wildtype kompaniýasynyň barlaghanasy tarapyndan döredilen “ýabany azatmahynyň” (losos) emeli etiniň satuwyny tassyklady. Önüm howpsuz diýlip ykrar edildi we eýýäm Oregon ştatynyň Portlend şäherindäki Kann restoranynda myhmanlara hödürlenýär diýip, The Verge habar berýär...

11.06.2025 13:18
4.1k+

Samsung kagyz ekranly mahabat tagtasyny çykardy. Ol elektrik çeşmesine birikdirilmezden işleýär

Günorta Koreýanyň Samsung Electronics tehnologiýa ägirdi Сolor E-Paper sanly mahabat tagtasynyň global satuwyna başlady. Enjam reňkli elektron syýa tehnologiýasynyň esasynda gurlan we hemişelik energiýa çeşmesi bolmazdan şekilleri görkezmäge ukyply...

10.06.2025 13:04
3.6k+

Tellurdan ýasalan implantat syçanlaryň görüş ukybyny dikeltdi, maýmynlarda bolsa güýçlendirdi

Hytaýly alymlar tellur nanosimlerden dokalan protez torly bardany (setçatka) işläp taýýarladylar. Bu enjam kör syçanlaryň görüş ukybyny bölekleýin dikeltdi we ozaldan hem görýän makaklaryň (maýmyn) ýakyn infragyzyl şöhläni görmegine mümkinçilik berdi...