Tesla-nyň Ýewropadaky ilkinji zawody Berliniň golaýynda açyldy

  • 25.03.2022 15:11
  • 10k+

Tesla amerikan kompaniýasynyň Ýewropanyň çägindäki ilkinji zawody Berliniň golaýyndaky Grýunhaýde ilat nokadynda resmi taýdan açyldy. “Die Zeit” neşiriniň ýazmagyna görä, alyjylar ol ýerde öndürilen ilkinji 30 awtomobili aldylar diýip, TASS belleýär.

Açylyş dabarasyna GFR-iň kansleri Olaf Şols, Ykdysadyýet ministri Robert Habek, şeýle-de Tesla-nyň ýolbaşçysy Ilon Mask gatnaşdy. Täze zawod 12 müň iş ornuny döreder, kompaniýa ol ýerde ýylda 500 müňe çenli awtomobil öndürmegi meýilleşdirýär.
Mask täze zawody gurmak meýilnamasy barada 2019-njy ýylyň noýabr aýynda habar berdi. Täze zawod “Gigafactory 4” adyny aldy. Ýewropadaky täze obýektlerde akkumulýator batareýalary, güýç gurluşlary öndüriler, şeýle-de ol ýerde Tesla Model 3 sedany we Tesla Model Y ykjam krossoweri ýygnalar. 
Mask Tesla kompaniýasyny 2003-nji ýylda esaslandyrdy. Onuň ştab-kwartirasy Kaliforniýa ştatynyň Palo-Alto şäherinde ýerleşýär. Ilkibaşda kompaniýa diňe elektromobil önümçiligine ýöriteleşdirildi, ýöne soňrak Gün batareýalaryny we beýleki energiýa saklaýyş ulgamlaryny döretmek bilen meşgullanyp başlady. 


düýn 19:05
3.9k+

3 sany ýörite Bentley Germaniýanyň günorta-günbataryndaky «garaňky tokaýa» bagyşlandy

Bentley özüni Bentley Stuttgart diler merkeziniň açylmagynyň 15 ýyllygyna bagyşlap, Black Forest Regional Collection atly ýörite toplumyny çykardy. Toplumyň dizaýny günorta-günbatar Germaniýanyň tebigatyndan we Baden-Wýurtembergiň baý peýzažlaryndan ylham alýar...

27.10.2025 09:24
3.3k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...

26.10.2025 22:30
10k+

Germaniýada 2026-njy ýylyň iň gowy awtoulaglary saýlandy. Sanawda ýekeje-de nemes markasy ýok

“Germaniýada ýylyň awtoulagy 2026” (GCOTY) bäsleşiginiň eminleri bäş esasy nominasiýada ýeňijileri yglan etdiler. Bu sapar ýeňiji bolan modelleriň arasynda nemes markalarynyň ýoklugy aýratyn üns çekdi. Baýraklar ABŞ, Günorta Koreýa we Çehiýa awtoulaglaryna berildi...

26.10.2025 09:37
5.1k+

Tesla-nyň düşewündi rekord girdejä garamazdan 37% azaldy

Tesla 2025-nji ýylyň üçünji çärýegi üçin maliýe hasabatyny hödürledi. Kompaniýanyň arassa girdejisi 37% azalyp, 1,4 mlrd dollar boldy, ýöne girdeji bir ýyl ozalkydan 12% ýokarlanyp, 28 mlrd dollara ýetdi. Öndüriji rekord satuw barada hem habar berdi...