“Bawariýa” futbol kluby Germaniýanyň çempionatynyň 27-nji tapgyrynyň oýnunda “Uniony” 4:0 hasabynda utdy. Duşuşyk Mýunhendäki “Alýans-Arenada” geçirildi diýip, TASS-a salgylanyp, Trend habar berýär.
Bu oýunda gol bilen Kingsli Koman (16-njy minut), Nýanzu Kuassi (25) we Robert Lewandowskiý (45, 47) tapawutlandy. Germaniýanyň çempionatynyň häzirki möwsüminde polşaly hüjümçiniň hasabynda 31 gol bar.
Lewandowskiý bäşinji gezek bundesliganyň bir möwsüminde 30 we ondan köp gol geçirýär. Şeýlelik bilen, ol Gerd Mýulleriň rekordyny gaýtalady. Lewandowskiden we Mýullerden başga-da, Germaniýanyň çempionatynyň taryhynda ýene bäş oýunçy bir möwsümde 30 we ondan köp gol geçirmegi başardy – Pýer-Emerik Obameýang, Lotar Emmerih (ikisi-de Dortmundyň “Borussiýasy” üçin), Diter Mýuller (“Kýoln”), Ýupp Haýnkes (Mýonhengladbahyň “Borussiýasy”) we Uwe Zeýeler (“Gamburg”).
“Bawariýa” 27 oýunda 63 utuk gazanyp, ýurduň çempionatynyň turnir jedwelinde birinji orunda ýerleşýär. “Union” 38 utuk bilen sekizinji orny eýeleýär. Indiki oýunda “Bawariýa” 2-nji aprelde “Fraýburg” bilen duşuşar, “Union” bir gün öň “Kýolny” kabul eder.
