Gruziýanyň Prezidenti Salome Zurabişwili Türkmenistanyň saýlanan Prezidenti Serdar Berdimuhamedowy saýlawlarda gazanan ýeňşi bilen gutlady.
«Siziň Türkmenistanyň Prezidenti wezipesinde tagallalaryňyzyň ýurduňyzyň parahatçylykly we üstünlikli geljegini üpjün etjekdigine ynanýaryn. Gruziýanyň we Türkmenistanyň arasynda dostlukly hem-de netijeli gatnaşyklaryň mundan beýläk-de ösdürilmegine ýardam etmäge taýýardygymy tassyklamak isleýärin. Siziň döwlet Baştutany döwrüňizde halklarymyzyň abadançylygynyň hatyrasyna özara bähbitli hyzmatdaşlygy pugtalandyrjakdygymyza ynanýaryn» diýip, Gruziýanyň Prezidenti öz hatynda belleýär.
