BMG-niň Baş sekretary Antoniu Guterriş Prezident Gurbanguly Berdimuhamedowa Türkmenistanyň Birleşen Milletler Guramasynyň agzalygyna kabul edilmeginiň 30 ýyllygy mynasybetli Gutlag iberdi. Onda Baş sekretar 1992-nji ýylyň 2-nji martynyň Milletler Bileleşigi üçin aýratyn senedigini, şol gün Birleşen Milletler Guramasynyň häzirki ähli agzalarynyň 5 göterimine golaýynyň onuň düzümine birleşendigini aýratyn belleýär.
Soňky 30 ýylyň dowamynda biz sebitde hem-de bütin dünýäde parahatçylyga, durnuklylyga, durmuş abadançylygyna ýetmek ugrunda ysnyşykly hyzmatdaşlyk gatnaşyklaryny ýola goýduk. Türkmenistan Durnukly ösüş maksatlaryny ilerletmek we ählumumy meseleleri çözmäge işjeň gatnaşmak bilen, köptaraplaýyn ulgamyň möhüm gatnaşyjysyna öwrüldi» diýip, jenap Guterriş öz hatynda biziň COVID-19 pandemiýasyndan saplanmaga çalyşýandygymyz sebäpli, bilelikde has durnukly hem-de adalatly jemgyýete tarap hereket edip biljekdigimize ynanýandygyny, raýdaşlyk, maksatlaryň birligi, gepleşikleriň, ylalaşyklylygyň we ýaraşmagyň gaýtadan dikeldilen ruhy arkaly öňümizde durýan wehimlere garşy göreşip, Birleşen Milletler Guramasynyň parahatçylyk, hemmeler üçin abadançylyk we adam hukuklary babatda esasy tagallalaryny durmuşa geçirip biljekdigimizi nygtady.
