Türkmenistany temmäkiden azat ýurda öwürmek boýunça 2022 — 2025-nji ýyllar üçin Milli maksatnama we ony amala aşyrmak boýunça ýerine ýetirilmeli çäreleriň meýilnamasy tassyklanyldy.
Bu barada türkmen Lideriniň 25-nji fewralda gol çeken degişli Kararynyň maksady ilatyň arasynda sagdyn durmuş kadalaryny wagyz etmekden we giňden ornaşdyrmakdan, temmäkä garşy göreşmek, raýatlaryň saglyk ýagdaýyny has-da gowulandyrmakdan we adam ömrüniň dowamlylygyny artdyrmakdan, Türkmenistany 2025-nji ýyla çenli temmäkiden azat ýurda öwürmek üçin netijeli çäreleri durmuşa geçirmekden ybaratdyr.
Şeýle hem Türkmenistany temmäkiden azat ýurda öwürmek boýunça 2022 — 2025-nji ýyllar üçin Milli maksatnamany amala aşyrmak baradaky Pudagara utgaşdyryjy topar döredildi we onuň düzümi tassyklanyldy.
