ABŞ-nyň Illinoýs uniwersitetiniň gözlegçileri Parkinson keseli ýaly käbir neýrodegeneratiw kesellerde zeper ýetýän nerw öýjüklerini dikeltmegiň usulyny tapdylar. Olar muny peptidleriň öýjüklere täsir etmegini gazanmak bilen başardylar. Bu barada Medical Express habar berýär. Muny Lenta.ru ýetirýär.
Gözlegiň predmeti zeper ýetende ysmaza çenli düýpli näsazlyklara sebäp bolýan myşsa gysylmasyny ýüze çykaryjy uzyn aksonlar (impuls geçirýän nerw ösüntgisi) boldy. Alymlar peptidler diýlip atlandyrylýan aýratyn aminokislotalar zynjyry bilen adamyň ýetişmedik öýjüklerinden özgeren nerw öýjüklerine täsir etmek kararyna geldiler. Tejribe bu maddanyň mitohondriýanyň (nerw öýjüklerini düzüji) bölünişigini bes etmäge ukyplydygyny, şeýle-de öýjükleriň dikeldilmegine mümkinçilik berip, mundan beýläkki zeper ýetmeleriň öňüni alýandygyny görkezdi.
