Eýranyň nebit ministriniň orunbasary Morteza Şahmirzai 2021-nji ýylyň 21-nji martynda başlanan Eýranyň häzirki 1400-nji senenama ýylynda Eýrandan nebit-himiýa önümleriniň eksportynyň 14 mlrd dollara ýetmegine garaşylýandygyny aýtdy. Bu barada IRNA salgylanyp, Trend habar berýär.
“Çaklamalara görä, şu ýyl Eýranda nebit-himiýa önümleriniň önümçilik kuwwaty 65 mln tonna ýeter” diýip, ol sözüniň üstüni ýetirdi.
Onuň aýtmagyna görä, şu ýylyň jemi boýunça ýurduň 30 mln tonna nebit önümleriniň eksportyndan 14 mlrd dollar gazanmagyna garaşylýar.
Eýranda Altynjy ösüş meýilnamasynyň bir ýyl uzaldylmagyny göz öňünde tutup, ol altynjy meýilnama laýyklykda Eýranyň 1401-nji ýylynyň ahyryna çenli Eýranda nebit-himiýa önümleriniň nominal kuwwatynyň ýylda 105 mln tonna ýetjekdigini aýtdy.