«Dokmaçylar» medeni merkeziniň täze binasynyň gurluşygyna başlanýar

  • 09.02.2022 08:50
  • 6k+

Türkmenistanyň Dokma senagaty ministrliginiň “Dokmaçylar” medeni merkeziniň täze binasy gurlar. Bu baradaky degişli Karara 8-nji fewralda geçirilen iş maslahatynda Prezident Gurbanguly Berdimuhamedow gol çekdi.

Hususan-da, resminama laýyklykda, Dokma senagaty ministrligine Aşgabat şäheriniň Seýdi köçesiniň ugrunda bu ministrligiň “Dokmaçylar” medeni merkeziniň binasynyň taslamasyny düzmek we ony enjamlaşdyryp, ýanaşyk ýerlerini abadanlaşdyryp gurmak barada “Dokmahyzmat” döwlet kärhanasy bilen şertnama baglaşmaga ygtyýar berildi. Gurluşyk işleri 2022-nji ýylyň fewral aýynda başlanyp, ol 2024-nji ýylyň fewral aýynda ulanmaga doly taýýar ediler. Bu Kararyň maksady ýurdumyzyň medeniýet we sungat ulgamyny ösdürmek boýunça amala aşyrylýan işleri dowam etdirmek hem-de döredijilik işgärlerini höweslendirmekden ybaratdyr.

Ýeri gelende bellesek, indi ençeme ýyldan bäri Türkmenistanda Dokma senagaty ministrliginiň «Dokmaçylar» medeni merkeziniň folklor-etnografiýa tans topary hereket edýär. Türkmenistanyň halk artisti Jemal Saparowanyň ýolbaşçylygyndaky bu topar diňe bir ýurdumyzda däl, eýsem, daşary ýurtlarda hem millilige ýugrulan aýdym-sazlarydyr folklor çykyşlary bilen giňden tanalýar.


düýn 11:22
4.4k+

Türkmenistanda Gurbannazar Ezizowyň doglan gününiň 85 ýyllygy belleniler

Noýabr aýynda Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli aýdym-sazly dabara guralar. Bu barada 23-nji oktýabrda wise-premýer B...

23.10.2025 11:51
3.5k+

Rimde Kapitoliý muzeýinde ilkinji gezek «Türkmenistanyň gadymy siwilizasiýalary» atly sergi geçiriler

2025-nji ýylyň 25-nji oktýabryndan 2026-njy ýylyň 12-nji apreli aralygynda Rim şäherindäki Kapitoliý muzeýiniň Palazzo dei Conservatori zallarynda «Türkmenistanyň gadymy siwilizasiýalary» atly sergi geçiriler. Italiýaly tomaşaçylara ilkinji gezek Margiana we Parfiýa gadymy medeniýetleriniň arheologik tapyndylary görkeziler...

21.10.2025 10:54
2.8k+

“Mahabat” müdirligi «Meniň oýnum» atly täze multfilm çykardy

Ýakynda “Mahabat” müdirligi Mämmetjanyň başdan geçirmeleri dogrusynda gürrüň berýän multfilmiň «Meniň oýnum» atly täze bölümini halk köpçüligine ýetirdi. Multfilmi döretmek üçin döredijilik toparynyň eden yhlasy onuň täsirli sahnalarynda, gahrymanlaryň gyzykly gürrüňlerinde hem-de hereketlerinde, şeýle hem olaryň ýatda galyjy seslendirmelerinde has-da aýdyň görünýär...

20.10.2025 10:01
7k+

Türkmenistanda hepdelik howa maglumaty (20.10 - 26.10)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, gündogardan demirgazyk-günbatara ugruny üýtgedýän, tizligi sekuntda 9 — 12 metrden 13 — 15 metre ýetýän şemal öwser...