Arheologlar Angliýanyň Plimut şäheriniň golaýyndaky ýeriň gurluşyk işleriniň çäginde galyndylary tapdylar. Tapyndylaryň arasynda mamontyň gyýagy we kerkiň, syrtlanyň hem möjegiň gadymy nesilleriniň süňkleri bar. Olaryň ählisi Ýeriň ýüzünde 30 000 – 60 000 ýyl mundan ozal bolup geçen iň soňky Buz eýýamyna degişlidir. Bu barada BBC ýazýar.
Şeýlelik bilen, möjegiň kelle süňküni, ýüňlek kerkiň aşaky eňegini we mamontyň gyýagynyň bir bölegini görmek bolýar.
Alymlar bu tapyndylara haýran galýarlar: “Dewonda (iňlis graflygy) şeýle görnüşleriň birnäçesiniň bölekleýin galyndylarynyň tapylmagy bize müňlerçe ýyl mundan ozal Britaniýada gezen Buz eýýamynyň haýwanlary barada düşünje berýär hem-de şol döwürde daşky gurşawyň we klimatyň ýagdaýynyň nähili bolandygyna düşünmäge kömek edýär”.
Häzirki wagtda galyndylar akademiki analizden geçirilýär, ýöne olaryň Plimutyň täze The Box muzeýine berilmegine garaşylýar. Galyndylaryň tapylan ýeriniň ýerasty bölegi saklanylar, onuň ýanyndaky gurluşyk işleri bolsa bes ediler.
