5-nji fewralda Türkmenistanyň Prezidentiniň Hytaý Halk Respublikasyna amala aşyran iki günlük sapary tamamlandy. Türkmen Lideriniň baştutanlygyndaky wekiliýet günüň ikinji ýarymynda Türkmenistana gaýdyp geldi. Keselleriň ýaýramagyna garşy göreşýän adatdan daşary toparyň Düzgünnamasyna laýyklykda, arassaçylyk kadalaryny ýerine ýetirmek maksady bilen, Hytaýdan gelen wekiliýet 3 gün, ýagny ýekşenbe, duşenbe we sişenbe günlerinde karantin çärelerini berjaý edýärler.
TmCars.info-nyň ozal habar berşi ýaly, 3-nji ýanwarda geçirilen Ministrler Kabinetiniň sanly ulgam arkaly mejlisinde wise-premýer S.Toýlyýew Düzgünnama laýyklykda, arassaçylyk kadalaryny ýerine ýetirmek üçin Hytaýa sapardan gelnenden soň, hökmany suratda, karantin çäreleriniň berjaý edilmelidigini aýtdy.
Bellenilişi ýaly, bu çäreleriň iň gysga wagty – 3 gün, ortaça wagty – 10 gün, iň wajyp wagty bolsa 21 gün bolmaly. Wise-premýeriň teklibinden ugur alyp, döwlet Baştutany: «Biz karantin çäreleriniň haýsy hem bolsa birini berjaý edip, arassaçylyk talaplaryna görä, iň azyndan 3 gün, ýagny ýekşenbe, duşenbe we sişenbe günlerinde karantinde bolarys» diýip habar beripdi.
