4-nji fewralda Hytaýyň Pekin şäherinde geçirilýän XXIV gyşky Olimpiýa oýunlarynyň açylyş dabarasyna Türkmenistanyň Prezidenti Gurbanguly Berdimuhamedow gatnaşdy. Ol Pekindäki «Guş höwürtgesi» diýlip atlandyrylýan milli stadionda geçirildi.
Iri sport baýramçylygyna HHR-iň Başlygy Si Szinpiniň çakylygy boýunça Argentinanyň, Müsüriň, Gazagystanyň, Gyrgyzystanyň, Polşanyň, Russiýanyň, Singapuryň, Serbiýanyň, Täjigistanyň, Özbegistanyň, Ekwadoryň Prezidentleri, Kataryň Emiri, Bosniýa we Gersogowinanyň, Gresiýanyň, Mongoliýanyň, Pakistanyň Premýer-ministrleri, Kambojanyň Patyşasy, Saud Arabystany Patyşalygynyň, Abu-Dabiniň Mirasdüşer Şazadalary, Monakonyň Şazadasy, Lýuksemburgyň Beýik Gersogy, Tailandyň Şa aýaly, BMG-niň, BSGG-niň, ŞHG-niň Baş sekretarlary, Halkara Olimpiýa Komitetiniň Prezidenti we beýleki daşary ýurtly resmi adamlar hem gatnaşdylar.
Ýaryşlaryň geçirilýän 16 gününiň dowamynda türgenler sportuň 15 görnüşi boýunça medallar toplumynyň 109-sy boýunça bäsleşerler. «Bilelikde umumy geljegiň bähbidine» diýen şygar astynda geçýän Pekin Olimpiadasyna dünýäniň 95 döwletinden türgenler gatnaşýar.
