Ýaponiýanyň Sony kompaniýasy Halo we Destiny ýaly wideo oýun seriýalary bilen belli bolan Bungie studiýasyny 3,6 mlrd dollara satyn aldy. Bu barada kompaniýanyň amerikan ofisiniň habarynda aýdylýar. Muny TASS ýetirýär.
“Biz Sony Interactive Entertainment bilen Bungie-niň arasynda soňkyny satyn almak barada şertnamanyň baglaşylandygyny habar bermäge şat. Dünýäde iň uly wideo oýunlaryny döredijileriň biri indi Sony maşgalasyna goşular” – diýlip, habarda aýdylýar.
Bungie-niň baglaşylan şertnama baradaky teswirinde studiýanyň döredijilik garaşsyzlygyny saklajakdygy aýdylýar.
Sony bilen wideo oýunlary bazaryndaky ikinji uly oýunçy Microsoft-yň arasyndaky bäsdeşlik Microsoft ýanwar aýynyň ortalarynda World of Warcraft, Call of Duty, Diablo, Guitar Hero oýunlaryny dörediji Activision Blizzard-y 68,7 mlrd dollara satyn alandan soň hasam güýçlendi.
