«Uly tuwalga» möwsüminiň birinji ýaryşynyň finalynda awstraliýaly tennisçi Eşli Barti amerikaly Daniel Kollinsi ýeňdi.
Duşuşyk Bartiniň peýdasyna 6:3, 7:6 (7:2) hasap bilen tamamlandy.
Barti «Uly tuwalga» ýaryşynyň öz watanyndaky — Awstraliýadaky tapgyryny 1978-nji ýyldan bäri gazanmagy başaran ilkinji awstraliýaly türgendir. Şol gezek ýaryşy Kris O'Nill gazanypdy. Şeýle hem awstraliýaly türgen 2000-nji ýyldan bäri bu ýaryşy ýekeje-de setde ýeňilmän geçip bilen dördünji tennisçidir. Ondan öň, şeýle netijäni amerikaly Lindsi Dewenport (2000) we Serena Uilýams (2017), şeýle hem russiýaly Mariýa Şarapowa (2008) görkezipdi.
