Täze Zelandiýanyň Premýer ministri Jasinda Ardern telealypbaryjy Klark Geýford bilen boljak toýuny ýatyrdy. Premýer ministr bu karara omikron ştammy bilen kesellemäniň artmagy zerarly ýurtda çäklendirmeleriň iň ýokary derejesine geçmek barada yglan edilenden soň gelendigini habar berdi diýip, BBC habar berýär.
"Men pandemiýa has agyr täsirini ýetiren, ilkinji nobatda, agyr ýaraly ýatan wagty ýakynlaryň ýanynda bolup bilmezlikden ejir çekýän müňlerçe beýleki täze zelandiýalylardan hiç hili tapawutlanmaýandygymy aýtmakdan çekinmeýärin. Bu meniň häzirki başdan geçirýän ýagdaýymdan has agyr» - diýip, Ardern žurnalistlere habar berdi.
Kowide garşy täze düzgünlere laýyklykda, islendik köpçülikleýin çärä sanjym alan 100 adamdan geçmeýän we eger sanjym güwänamasy ýok bolsa, 25 adamdan geçmeýän adamlar topary ýygnanyp bilýär. Mundan başga-da, dükanlarda, mekdeplerde we jemgyýetçilik ulaglarynda hökmany suratda agyz-burun örtükleri dakylmaly. Bu düzgüne şeýle hem dördünji synpdan başlaýan okuwçylar hem eýermeli.
Bu günki gün Täze Zelandiýada 15104 sany kowid bilen keselleme ýagdaýy we bu keselden 52 sany aradan çykma ýagdaýy hasaba alyndy.
