Täze Zelandiýanyň hökümeti ýabany pişikleri 2050-nji ýyla çenli doly ýok etmek maksady bilen, olary ýyrtyjylara garşy göreşmegiň milli strategiýasyna goşmak kararyna geldi. Tebigaty goramak ministri Tama Potaka pişikleriň ýurduň biodürlüligine çynlakaý howp salýandygyny nygtady.
Guardian gazetiniň habaryna görä, ýurduň çäginde 2,5 milliondan gowrak ýabany pişik bar. Olar guşlaryň we haýwanlaryň seýrek görnüşlerini awlaýarlar. Has hem Rakiura-Stýuart adasyndaky günorta eşegarylary we Ruapehu dagy sebitindäki ýarganatlar uly howp astyndadyr.
Ministr bu haýwanlary "sowukganly ganhorlar" diýip atlandyrdy. Olar indi eýýäm gözegçilik edilýän ýyrtyjylaryň — alajagözenleriň, gornostaýlaryň we alakalaryň hataryna goşular.
Bu çäre 2016-njy ýyldan bäri hereket edýän "Ýyrtyjylar - 2050" maksatnamasynyň bir bölegidir. Hereketiň jikme-jik meýilnamasynyň 2026-njy ýylyň mart aýynda hödürlenmegine garaşylýar. Pikir soraşmalar täze zelandiýalylaryň 90%-iniň ýabany pişikleriň sanyna gözegçilik edilmegini goldaýandygyny görkezýär.
Bu başlangyç haýwanlary goraýjylar tarapyndan tankyt edildi. Haýwanlary Goraýyş Jemgyýeti (SPCA): SPCA ("Haýwanlara rehimsiz daralmagynyň öňüni alyş jemgyýeti") ynsanperwer usullary ulanmaga çagyrýar. Şeýle hem, öý pişikleriniň çiplenmegi we sterilizasiýa edilmegi hakynda kanun çykarylmagyny teklip edýär.
Ýewropalylar gelmezden öň Täze Zelandiýa ýyrtyjy süýdemdirijiler bolmadyk çetde ýerleşen ýerdi. Ýerli guşlaryň we haýwanlaryň görnüşleri howpsuz gurşawda ösüp, soňra getirilip ýaýradylan ýyrtyjylaryň – ýabany pişikleriň, alajagözenleriň, ýalmanlaryň, alakalaryň we gornostaýlaryň garşysynda goragsyz galdylar.
