Täze Zelandiýanyň ýaşaýjysy Lourens Uotkins dünýäde iň uzyn adyň eýesi hökmünde Ginnesiň rekordlar kitabyna girdi. Onuň doly ady 2253 sözden durýar diýip, Daily Mail ýazýar.
Waka 1990-njy ýylyň martynda, Uotkinsiň öz şahsy maglumatlaryny üýtgetmek kararyna gelip, öz adyna iki müňden gowrak ikinji ady goşmagy bilen başlady. Ol täze adyny resmi taýdan hasaba aldyrmak üçin okrug kazyýetine ýüz tutdy, ýöne onuň arzasy kabul edilmedi.
Şondan soň ol Täze Zelandiýanyň Ýokary kazyýetine ýüz tutdy, edara hem ahyrynda onuň adyny kanuny diýip ykrar etdi. Ýöne bu wakanyň netijesinde ýurduň häkimiýetleri başga hiç kimiň şeýle zady gaýtalap bilmezligi üçin iki kanuny üýtgetdi.
Ginnesiň rekordlar kitaby bilen söhbetdeşlikde rekord eýesi (onuň doly adyny aýdyp oturmalyň, çünki ol alty sahypany eýeleýär) hemişe adamlaryň üýtgeşik gazananlary bilen gyzyklanandygyny we bu dünýäniň bir bölegi bolmak isländigini gürrüň berdi.
