«Baby Shark» çagalar aýdymy YouTube-da ilkinji bolup 10 milliard gezek tomaşa gazandy

  • 14.01.2022 23:52
  • 8.4k+

Günorta Koreýanyň “Pinkfong” (“Gülgüne telefon”) bilim kompaniýasynyň Baby Shark Dance (“Çaga akulanyň tansy”) wideoklipi çykan gününden bäri 10 milliarddan gowrak tomaşa edilip, YouTube-da rekord goýdy. Bu barada kompaniýanyň Twitter sahypasyna salgylanyp, TASS habar berdi.

"Şu gün taryhy üstünliklerimizi belleýäris. "Baby Shark Dance" YouTube-yň taryhynda 10 milliard gezek tomaşa edilen ilkinji wideo boldy" - diýlip, habarda aýdylýar.

Bu meşhur wideoroligiň dünýäniň 11 dilinde 100-den gowrak wariasiýasy çykaryldy.  Wideoda bir oglanjyk bilen gyzjagaz çaga akula we onuň maşgalasy hakda aýdym aýdýar, şeýle hem multiplikasiýa kadrlarynyň fonunda maşk tansyny ýerine ýetirýär.

Wideo ilkinji gezek 2016-njy ýylda YouTube-da ýerleşdirildi. Birnäçe ýylyň içinde ol tomaşa edilen sany boýunça dünýä aýdym-sazynyň iň meşhur wideo kliplerinden, şol sanda Luis Fonsiniň “Despacito” aýdymynyň wideosyndan hem öňe geçmegi başardy. Mundan bir ýyl öň “Baby Shark Dance” wideosy YouTube kanalynda iň köp görülýän wideo hökmünde Ginnesiň Rekordlar kitabyna giripdi.


şu gün 09:15
2.3k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

düýn 23:12
7.2k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.3k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...

24.11.2025 14:28
2.5k+

YouTube-da indi habarlaşmak we wideo paýlaşmak üçin gurlan messenjer peýda boldy

YouTube wideolary göni mobil programmanyň içinde paýlaşmaga we ara alyp maslahatlaşmaga mümkinçilik berýän täze funksiýanyň synagdan geçirilýändigini yglan etdi. Aslynda, bu, hyzmatda birnäçe ýyllap elýeterli bolan, ýöne 2019-njy ýylda aýrylan şahsy habarlaşmagy yzyna getirýär...