Awstraliýanyň Häkimiýeti ikinji gezek Nowak Jokowiçiň wizasyny ýatyrdy

  • 14.01.2022 15:45
  • 5.4k+

Awstraliýanyň Hökümeti tennisçi Nowak Jokowiçiň wizasyny ikinji gezek ýatyrdy. Dünýä sanawynda ilkinji belgili tennisçi ýene-de ýurtdan çykarylyp bilner diýip, Euronews habar berýär.

Immigrasiýa ministri Aleks Houk anna güni «jemgyýetçiligiň bähbidine» 34 ýaşly serbiýaly türgeniň wizasyny ýatyrandygyny habar berdi.
Jokowiçiň aklawjylary bu karary kazyýete bermek isleýärler.
Jokowiç Melburna geleni bäri onuň wizasy eýýäm ikinji gezek ýatyryldy. Awstraliýada türgen Australian Open ýaryşynyň ýeňijisi adyny goramagy meýilleşdirýärdi. 6-njy ýanwara geçilýän gijede Awstraliýa gelende 34 ýaşly serbiýaly türgen sanjym almakdan saklaýan lukmançylyk güwänamasy zerarly mesele bilen ýüzbe-ýüz boldy. Serhet gullugy COVID-19-a garşy sanjym almaga garşy görkezilen delilleri ýeterlik hasaplamady. Jokowiç karantin myhmanhanasyna ýerleşdirildi.

Dawa işinden soň türgeniň wizasy ýatyryldy, türgeniň özüne bolsa ýurtdan çykmalydygy barada duýduryş berildi. Jokowiç serhet gullugynyň çözgüdine garşy çykyp, Awstraliýanyň Federal kazyýetine ýüz tutdy we kazyýet işinde ýeňiş gazandy. Tennisçi karantin myhmanhanasyny terk edip, hatda türgenleşik hem geçirdi. Emma onuň ýaryşa gatnaşmagy ýene-de sorag astynda galdy.
Tennis boýunça Awstraliýanyň açyk çempionaty (Australian Open) Uly tuwulganyň dört ýaryşynyň biridir. Ýaryşlaryň birinji tapgyry şu ýylda 17-nji ýanwarda geçiriler. Şol gün ýaryş tertibinde Jokowiçiň beýleki bir serbiýaly türgen Miomir Kesmanowiç bilen ýaryşy meýilleşdirildi.


25.11.2025 17:28
4.5k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

21.11.2025 12:38
2k+

Tanymal tennisçi Rojer Federer Halkara tennis şöhrat zalyna giriziler

Şweýsariýaly Rojer Federer 2026-njy ýylda Halkara tennis şöhrat zalyna giriziler. Dabara 27-29-njy awgustda Nýuport amerikan şäherinde geçiriler diýip, guramanyň metbugat gullugy habar berdi. “Meniň üçin Halkara tennis şöhrat zalyna girmek we sportuň bu görnüşiniň köp sanly beýik çempionlarynyň ýanynda durmak uly hormat...

16.11.2025 23:06
3.7k+

Arina Sobolenko bir möwsüm zenan tennis ýaryşy üçin rekord 15 million dollar gazandy

Dünýäniň birinji raketkasy Arina Sobolenko Zenanlaryň tennis birleşiginiň (WTA) bir möwsümde gazanan baýrak pullary boýunça rekordyny goýdy. 2025-nji ýylda belarusly tennisçi kortda 15 million dollardan gowrak girdeji gazandy diýip, Tennis...

11.11.2025 10:18
3k+

Karlos Alkaras ýene-de dünýäniň birinji raketkasy boldy

Ispaniýaly tennisçi Karlos Alkaras Professional tennisçileriň assosiasiýasynyň reýtinginde ýene birinji orny eýeledi. Reýtingiň täzelenen görnüşi guramanyň saýtynda ýerleşdirildi. Turinde ATP ýaryşy başlamazdan öň oýunçylardan geçen ýylky çykyşlary üçin utuklar aýryldy...