TmCars.info Eýranyň üsti bilen Azerbaýjana iberilýän türkmen gazynyň möçberiniň ýylda 15 milliard kub metre çenli artdyrmagyň meýilleşdirilýändigini okyjylara ozal habar beripdi. Munuň özi Azerbaýjanyň Hytaýdan soň türkmen gazyny köp import edýän ikinji döwlete öwrülmegini şertlendirer. Ýeri gelende bellesek, Hytaý 2021-nji ýylda 34 milliard kub metr türkmen gazyny satyn aldy.
orient.tm saýtynda bellenilişi ýaly, häzir Azerbaýjan ýylda 2 milliard kub metr türkmen gazyny satyn alýar. Bu baradaky ylalaşyga geçen ýylyň noýabrynda Aşgabatda gol çekildi. Şoňa laýyklykda, Türkmenistandan Azerbaýjana her günde «mawy ýangyjyň» 4 million tonnasy iberilýär.
Türkmenistan Russiýa iberýän tebigy gazynyň hem möçberini görnetin artdyryp, onuň eksportyny 10 milliard kub metre ýetirdi. Bu bolsa 2020-nji ýyldaky görkezijiden 2 esse ýokarydyr.
