UFC-niň öňki çempiony Habib Nurmagomedow Instagram sahypasynda Gazagystanda ýüze çykan ýagdaýlar barada aýtdy. Muny gazeta.ru habar berdi.
“Hemmäňize salam! Gazagystanda bolup geçýän zatlar barada gaty aladalanýaryn. Ýakyn wagtda doganlarymyzyň ýurdunda parahatçylyk, ylalaşyk hem-de asudalyk höküm sürer diýip umyt edýärin"-diýip, Nurmagomedow ýazdy.
Ýatlap geçsek, Nurmagomedow MMA-da 29 söweş geçirdi we olaryň ählisinde ýeňiş gazandy. Ol soňky söweşinde 2020-nji ýylyň güýzünde amerikaly Jastin Getjini ýeňdi. Şondan soň ol professional karýerasynyň tamamlanýandygyny yglan etdi.
