Täze ýylyň şygaryna bagyşlanan maslahatlar badalga aldy

  • 29.12.2021 10:09
  • 10k+

28-nji noýabrda ýurdumyzyň Jemgyýetçilik guramalarynyň merkezinde “Halkyň Arkadagly zamanasy — agzybirligiň, jebisligiň, döwletliligiň, adalatyň we ösüşiň dabaralanmasy” atly maslahat geçirildi. 2022-nji ýylyň şygarynyň hem-de nyşanynyň tassyklanylmagyna bagyşlanan çärä Milli Geňeşiň, jemgyýetçilik guramalarynyň hem-de syýasy partiýalaryň, bilim we ylym ulgamynyň, köpçülikleýin habar beriş serişdeleriniň ýolbaşçylarydyr wekilleri, hormatly ýaşulular we ýaşlar gatnaşdylar.

Halkymyzyň ýylyň şygaryny “Halkyň Arkadagly zamanasy” diýip atlandyrmak baradaky öňe süren teklibiniň tassyklanylandygy hakyndaky habaryň türkmenistanlylar tarapyndan uly ruhubelentlik bilen kabul edilmegi bagtyýar eýýamy esaslandyran hem-de halkymyzy we Watanymyzy täze üstünliklere tarap alyp barýan türkmen  Liderine belent hormatyň nyşanydyr. Bu ýere ýygnananlar Garaşsyz Watanymyzyň gazanýan üstünlikleriniň döwlet Baştutanynyň çuňňur oýlanyşykly hem-de öňdengörüjilikli syýasatynyň netijesidigini nygtadylar.

Şol gün Döwlet medeniýet merkeziniň Mukamlar köşgünde geçirilen dabara hem 2022-nji ýylyň “Halkyň Arkadagly zamanasy” diýen şygarynyň tassyklanylmagyna bagyşlandy. Dabara Hökümetiň agzalary, medeniýet ulgamynyň, ugurdaş edara-kärhanalaryň, köpçülikleýin habar beriş serişdeleriniň ýolbaşçylary hem-de wekilleri, ýokary okuw mekdepleriniň rektorlary, sungat ussatlary gatnaşdylar.

Çykyş edenler döwlet syýasatynyň ileri tutulýan ugry hökmünde milli medeniýetimiziň ösdürilmeginde, netijeli, döredijilikli zähmet çekmek üçin has oňat şertleriň döredilmeginde, ýaş zehinlerimiziň özgertmeler işlerine höweslendirilmeginde türkmen Lideriniň hut özüniň şahsy görelde görkezýändigini aýratyn nygtadylar. Çärä gatnaşyjylaryň çykyşlary 2022-nji ýylyň şygaryna bagyşlanan döredijilikli aýdym-sazlar bilen utgaşdy. Çärede meşhur şahyrlar, sahna ussatlary, görnükli estrada ýerine ýetirijileri çykyş etdiler.


şu gün 14:16
1.8k+

5-nji noýabrda Türkmenistanyň asmanynda ýylyň iň ýagty dolan Aýy görner

2025-nji ýylyň 5-nji noýabrynda Türkmenistanyň ýaşaýjylary täsin asman hadysasyna – “Samyr Aýyna” syn edip biler. Bu gezek noýabryň Superaýy öňkülerden has owadan bolmagy wada berýär, çünki ol ýylda iň uly hem iň ýagty dolan Aý bolar...

28.10.2025 12:06
12k+

Oktýabr aýynyň soňky hepdesinde Türkmenistanda garaşylýan howa maglumaty

Oktýabr aýynyň soňky hepdesinde ýurdumyzda maýyl howa saklanar. Käwagt şemally howa bolar. Käbir welaýatlarda bolsa az-kem ýagyş ýagar. Aşgabatda wagtal-wagtal açylýan bulutly howa bolup, gündizlerine +20...+22 gradusdan +28...

28.10.2025 11:20
2.3k+

Horezm welaýatynda we Daşkentde Türkmenistanyň Medeniýet günleri geçirildi

21-24-nji oktýabr aralygynda gadymy Horezm welaýatynda we Daşkent şäherinde Türkmenistanyň Medeniýet günleri geçirildi. Bu barada Türkmenistanyň DIM-niň metbugat gullugy habar berýär. Medeniýet günleriniň ýokary derejeli açylyş dabarasy 21-nji oktýabrda Horezm welaýatynyň aýdym-sazly drama teatrynda geçirildi...

28.10.2025 00:48
4.3k+

Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň assosiasiýasyna kabul edildi

Myrat Garryýew adyndaky Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň resmi taýdan täze agzalygyna saýlandy. Bu barada "Türkmenistan: Altyn asyr" elektron neşiri habar berýär...