Her ýylyň 6-njy awgustynda Türkmenistanyň gurluşyk we senagat toplumynyň işgärleriniň güni belleniler

  • 26.12.2021 01:25
  • 10k+

24-nji dekabrda Türkmenistanyň Prezidenti Gurbanguly Berdimuhamedow Gurluşyk we senagat toplumynyň işgärleriniň gününi döretmek we bu baýramy her ýylyň 6-njy awgustynda belläp geçmek barada degişli Permana gol çekdi.

Resminamada nygtalyşy ýaly, bu baýramy döretmegiň maksady ýurdumyzyň gurluşyk, energetika, jemagat hojalygy we senagat pudaklaryny ösdürmekde, ylmy-tehniki innowasiýalaryň gazananlaryna esaslanyp, öndürilýän önümleriň we edilýän hyzmatlaryň möçberini artdyrmakda hem-de täze belentliklere ýetirmekde toplumyň işgärleriniň halal we tutanýerli zähmetini dabaralandyrmakdan ybaratdyr.

Şunuň bilen baglylykda, Türkmenistanyň Gurluşyk we binagärlik ministrligine, Türkmenistanyň Energetika ministrligine, Türkmenistanyň Senagat we gurluşyk önümçiligi ministrligine, «Türkmenhimiýa» döwlet konsernine hem-de welaýatlaryň we Aşgabat şäheriniň häkimliklerine Gurluşyk we senagat toplumynyň işgärleriniň gününiň ýokary derejede hem-de guramaçylykly bellenip geçilmegini üpjün etmek tabşyryldy.


düýn 15:19
1.1k+

Aşgabatda Pakistanyň DIM-niň wekiliýeti bilen duşuşyklar geçirildi

25-nji awgustda Türkmenistanyň daşary işler ministri Raşid Meredow bilen Günbatar Aziýa ýurtlary we Owganystan boýunça Pakistanyň DIM-niň Goşmaça sekretary Saýed Ali Asad Gillaniniň arasynda duşuşyk geçirildi.  Türkmenistanyň DIM-niň habar bermegine görä, duşuşygyň dowamynda taraplar iki ýurduň özara gyzyklanma bildirýän ugurlardaky hyzmatdaşlygyny ara alyp maslahatlaşdylar...

düýn 15:03
3.2k+

Raşid Meredow Sergeý Lawrow bilen telefon arkaly söhbetdeş boldy

25-nji awgustda Türkmenistanyň daşary işler ministri Raşid Meredow Russiýa Federasiýasynyň daşary işler ministri Sergeý Lawrow bilen telefon arkaly söhbetdeşlik geçirdi. Bu barada Türkmenistanyň DIM-nde habar berdiler...

düýn 14:48
2.9k+

Türkmenistan we Hytaý tehniki-ykdysady hyzmatdaşlyk hakynda Ylalaşyga gol çekişdi

25-nji awgustda Türkmenistanyň Hökümeti bilen Hytaý Halk Respublikasynyň Hökümetiniň arasynda tehniki-ykdysady hyzmatdaşlyk hakynda Ylalaşyga gol çekişlik dabarasy geçirildi. Bu barada Türkmenistanyň DIM-nde habar berdiler...

23.08.2025 14:43
16k+

Ermenistanyň Prezidenti we Türkmenistanyň ilçisi Garagoýunly türkmenleriniň taryhy ýadygärligine baryp gördüler

21-nji awgustda Ermenistanyň Prezidenti Waagn Haçaturýan Türkmenistanyň ilçisi M.Aýazow bilen Ararat welaýatynyň Argawand obasynyň çäginde ýerleşýän XV asyryň binagärlik ýadygärligi bolan Garagoýunly türkmenleriň emirleriniň aramgähine baryp gördüler...