«The Financial Times» hem Ilon Masky «Ýylyň adamy» diýip yglan etdi

  • 16.12.2021 08:09
  • 4k+

ABŞ-ly milliarder, Tesla we SpaceX kompaniýalarynyň esaslandyryjysy Ilon Mask britan işewür toparlarynyň neşiri bolan «The Financial Times» tarapyndan hem 2021-nji ýylyň «Ýylyň adamy» diýlip yglan edildi. Bu barada gazetiň internet saýtyna salgylanyp, mir24.tv habar berýär.

Redaktorlar şu onýyllygyň dowamynda Maskyň elektrik ulaglar üçin bazar döredendigini, şeýle hem awtobazaryň öňdebaryjylaryna ulagyň ekologik taýdan arassa görnüşine has işjeň maýa goýmaklaryna ýardam edendigini aýdyp, öz saýlawynyň sebäplerini düşündirdiler. Neşiriň ýazmagyna görä, işewür ählumumy awtomobil senagatyny düýpgöter üýtgetdi. «The Financial Times-da» Ilon Maskyň geljekki hereketleriniň ýurtlaryň hökümetleri, maýadarlar hem-de klimat üçin aýratyn täsirini ýetirjekdigine ynanýarlar. Neşiriň redaktorlary şeýle-de milliarderiň kosmiki ulgamda, internetde kriptowalýutany ilerletmekde we Twitteriň mikrobloglarynda örän işjeň hereketlerini göz öňünde tutdular.

TmCars.info-nyň ozal habar berşi ýaly, şu hepdäniň dowamynda meşhur amerikan neşiri «Time» hem Ilon Masky «Ýylyň adamy» diýip yglan etdi. Neşiriň redaktorlary işewüriň howanyň üýtgemegi, emeli aňy ösdürmek hem-de kriptowalýutany ulanmak boýunça gyzyklanmalaryna ünsi çekdiler.


23.08.2025 18:35
3k+

Weýmarda ChatGPT-niň pýesasy boýunça “FaustX” spektakly görkezildi

Nemes şahyry Iogann Wolfgang fon Gýoteniň ýaşan we işlän ýeri bolan Germaniýanyň Weýmar şäherindäki sungat festiwalynda “FaustX” spektaklynyň premýerasy boldy. Ol günorta afrikaly režissýor Brett Beýli we onuň garaşsyz teatry Third World Bunfight tarapyndan sahnalaşdyryldy...

22.08.2025 18:51
6k+

Forbes: Ilon Maskyň Grok çat-boty ulanyjylar bilen ýüzlerçe müň söhbetdeşligi internete ýaýratdy

Ilon Maskyň xAI kompaniýasy tötänleýin ýüzlerçe müň ulanyjynyň Grok çat-boty bilen ýazyşan söhbetlerini açyk elýeterlilige hödürledi. Köp ulanyjylar öz söhbetdeşliginiň köpçülige ýaýrap biljekdigini bilmeýärdi diýip, Forbes žurnaly habar berdi...

10.08.2025 23:16
2k+

Bloomberg: Tesla Dojo superkompýuterini işläp taýýarlamak bilen meşgullanýan toparyny ýatyrdy

Ilon Maskyň eýeçiligindäki Tesla kompaniýasy Dojo superkompýuter taslamasy bilen meşgullanýan topary dargatdy. Bu barada çeşmelere salgylanyp, Bloomberg agentligi habar berdi. Neşiriň maglumatlaryna görä, taslamanyň ýolbaşçysy Piter Bennon kompaniýadan gitmäge taýýarlanýar, onuň toparynyň azyndan 20 agzasy işden çykdy...

01.08.2025 15:08
4.8k+

Ilon Maskyň Grok çat-boty sähel salymda sesli wideo döredip biler

Ilon Maskyň xAI kompaniýasy tarapyndan döredilen Grok çat-boty Aurora modelinde işleýän Imagine wideo döretmek funksiýasyna eýe bolar. Bu barada Grok topary X sosial ulgamynda habar berdi. Imagine funksiýasy ulanyjylara tekst beýanynyň esasynda derrew sesli wideo döretmäge mümkinçilik berer...