Daşkentden ikinji medal: Seýitjan Mirzaýew hem kiçi bürünç medala mynasyp boldy

  • 10.12.2021 07:16
  • 14k+

9-njy dekabrda türkmen türgeni Seýitjan Mirzaýew Daşkende geçirilýän Agyr atletika boýunça dünýä çempionatynda 61 kilogram agramda çykyş edip, silterläp götermekde kiçi bürünç medala mynasyp boldy. Ildeşimiz 128 kilogram agramyň hötdesinden geldi.

Seýitjan Mirzaýew birinji synanyşygynda buýran bu agramlygyny ikinji gezekde galdyrmagy başardy. Üçünji synanyşygynda bolsa 132 kilogram buýrup, ony galdyryp bilmedi. Itekläp götermekde ildeşimiz birinji we ikinji synanyşygynda 145, üçünji synanyşygynda bolsa 147 kilogram agramyň hötdesinden gelip bilmedi.

Ýeri gelende bellesek, Seýitjan Mirzaýew 2020-nji ýylda Daşkentde geçirilen halkara ýaryşda bürünç medala, üstümizdäki ýylda bolsa ýene-de şu şäherde geçirilen Aziýa çempinatynda silterläp götermek boýunça kümüş medala mynasyp boldy. Ol 2019-njy ýylda Kataryň kubogyny almak ugrundaky 6-njy halkara ýaryşda 270 kilogram agramy göterip, kümüş, şol ýylda Türkiýede geçirilen Naim Süleýmanoglunyň ýadygärligine bagyşlanan halkara ýaryşda kümüş, dünýä kubogyny almak ugrundaky ýaryşda bolsa bürünç medala mynasyp boldy.

Häzirki güne çenli milli ýygyndymyzyň hasabynda iki sany kiçi bürünç medal bar. TmCars.info 8-nji dekabrda ildeşimiz Ýulduz Jumabaýewanyň 49 kilograma çenli agram derejesinde çykyş edip, silterläp götermekde Daşkentde geçirilýän Agyr atletika boýunça dünýä çempionatynyň kiçi bürünç medalyny gazanandygyny ozal habar beripdi. 


düýn 12:20
2.9k+

13 ýaşly tennisçi Tailandda geçen halkara ýaryşda Türkmenistana iki sany altyn medal getirdi

Tailand Patyşalygynyň Uly Bangkok sebitine degişli bolan Nonthaburi welaýatynda 14 ýaşa çenli ýetginjekleriň arasynda Aziýanyň Tennis federasiýasynyň (ATF) guramagynda halkara tennis ýaryşy geçirildi. Ýaryşda üstünlikli çykyş eden türkmen türgenleri üç görnüş boýunça altyn, bir görnüşde bolsa bürünç medal gazandylar...

21.08.2025 19:55
4k+

Türkmen karateçileri Daşkentde Merkezi Aziýanyň Kubogynda 24 medal gazandylar

18-20-nji awgust aralygynda Daşkent şäherinde kýokuşunkaý karate boýunça Merkezi Aziýanyň Kubogy geçirildi. Türkmenistanyň ýygyndy topary ýaryşda ýokary netijeleri görkezip, 6 altyn, 4 kümüş we 14 bürünç medala mynasyp boldy...

19.08.2025 15:53
28k+

Alp Arslan Begenjow dünýä çempiony titulyny gorap bilmedi

Erkin göreş boýunça türkmen pälwany Alp Arslan Begenjow (79 kg çenli agram kategoriýasy) 20 ýaşa çenli türgenleriň arasynda göreş boýunça ýaşlar dünýä çempionatynyň dörtden bir finalyndan geçip bilmedi. Ýaryş 17 – 24-nji awgust aralygynda Bolgariýanyň Samokow şäherinde 650 türgeniň gatnaşmagynda geçirilýär...

18.08.2025 15:42
2.3k+

Aşgabatda taekwondo boýunça Koreýa Respublikasynyň ilçisiniň kubogy ugrunda ýaryş tamamlandy

Aşgabatda Olimpiýa şäherçesinde çagalaryň we ýetginjek türgenleriň arasynda taekwondo boýunça Koreýa Respublikasynyň Türkmenistandaky Adatdan daşary we Doly ygtyýarly ilçisiniň kubogy ugrunda geçirilen ýaryş tamamlandy...