SAMF Jiddada Lego-dan F1-iň ulagyny gurup, täze dünýä rekordyny goýdy

  • 31.10.2021 23:25
  • 4.1k+

SAMF Lego-dan dünýädäki iň uly Formula-1 ulagynyň modelini gurup, täze dünýä rekordyny goýdy. Täze rekord Ginnesiň rekordlar kitabynda resmi taýdan hasaba alyndy. Bu gurluş üçin 504 202 element ulanyldy diýip, car.ru habar berýär.

SAMF – Saud Arabystanynyň awtomobil we motosikl federasiýasydyr. Bu federasiýa şu ýylyň 5-nji dekabrynda başlamaly Saud Arabystanynyň Gran-prisiniň resmi promouteri bolup durýar.

Awtomobil doly derejede Lego böleklerinden guruldy. Ol diňe bir jikme-jik ýerine ýetirilişi bilen däl, eýsem göwrümi bilen hem haýran galdyrýar. Ýeri gelende aýtsak, kuzowyň uzynlygy 571 sm, ini 204,8 sm, beýikligi 107,2 sm. Mundan öň rekord 2017-nji ýylda şeýle elementlerden Ferrari SF70H awtomobili ýygnalanda goýuldy. Şonda taslama 350 000 bölek gatnaşdy.

Häzirki wagtda Saud Arabystanynda gurlan awtomobil Jidda şäherinde Red Sea Mall binasynda ekspozisiýa görnüşinde goýuldy. Ony döredijileriň haýsydyr bir ulaga takyk meňzeşligi döretmegi däl-de, täze dünýä rekordyny goýmagy maksat edinendikleri mälimdir.

Belläp geçsek, ýurduň ilatyna modeli gurmak üçin ulanylan elementleri öňünden satyn almak teklip edildi, alnan girdeji bolsa Ehsan milli haýyr-sahawat gaznasyna geçirildi. Şeýlelik bilen, gurluşyň her bir elementiniň diýen ýaly öz eýesi bar. Model ýaşyl reňkde bolup, bu ýurduň milli baýdagynyň reňkidir. Gurluşyň iň soňky elementini hem SAMF-iň prezidenti, şazada Halid Bin Sultan Al-Faýsalyň özi goýdy.


şu gün 16:13
1.1k+

Bir günde ýedi rekord goýuldy, ýagny iňlis bagbanlary adatdan daşary ullakan hasyly görkezdiler

Her ýylyň sentýabr aýynda Beýik Britaniýanyň iň oňat gök önüm öndürijileri Malwerne (Wusterşir graflygy) Güýz sergisine ýygnanýarlar. Ol ýerde CANNA äpet gök önümleri öndürmegiň milli çempionatynda ýetişdiren hasyllaryny hödürleýärler...

05.10.2025 12:31
7.5k+

Fransiýaly adam welosipedde Eýfel diňine çykmak boýunça rekordy täzeledi

Fransiýaly welotrialçy Orelýen Fontenua welosipedde Eýfel diňine çykmak boýunça täze dünýä rekordyny goýdy. Bu barada diňiň X sosial ulgamyndaky resmi sahypasynda habar berildi. Türgen penşenbe güni 12 minut 30 sekuntda 686 basgançagy geçdi...

03.10.2025 09:29
12k+

Müsürli göreşiji 700 tonnalyk gämini dişi bilen süýşürdi

44 ýaşly müsürli göreşiji Aşraf Mahrus 700 tonnalyk gämä daňylan tanapy dişinde gysyp, ony 15 metr süýşürdi. Türgen bu üstünligi Ginnesiň rekordlar kitabyna girizmek üçin arza bermek isleýär diýip, NBC News habar berýär...

01.10.2025 17:46
4.2k+

Teýlor Swiftiň entek çykmadyk albomy Spotify-da rekord goýdy

Teýlor Swift Spotify-da täze rekord goýdy: onuň geljekki “The Life of a Showgirl” albomy resmi çykmazyndan ozal 5 milliondan gowrak ulanyjy tarapyndan çykan badyna diňlemek üçin öňünden ýatda saklanyp galdy. Bu platformanyň taryhynda albomyň şeýle görkezijä ilkinji gezek ýetmegidir...