Türkmenabada çenli awtobanyň Aşgabat-Tejen bölegi açyldy

  • 29.10.2021 18:33
  • 27k+

Şu gün, 29-njy oktýabrda Türkmenistanyň Prezidenti Gurbanguly Berdimuhamedowyň gatnaşmagynda «Aşgabat-Türkmenabat» ýokary tizlikli awtomobil ýolunyň 203 kilometrlik «Aşgabat-Tejen» böleginiň açylyş dabarasy geçirildi.

Çärä Türkmenistanyň Hökümetiniň agzalary, ýokary wezipeli daşary ýurtly myhmanlar, hususan-da Ykdysady Hyzmatdaşlyk Guramasynyň Baş sekretary, Yslam Ösüş Bankynyň, Aziýanyň Ösüş Bankynyň, Ýewropanyň Abatlaýyş we Ösüş Banklynyň sebitleýin we ýurt boýunça wekilleri, «Hyundai Corporation» kompaniýasynyň wise-prezidenti, Azerbaýjanyň, Eýranyň we Türkiýäniň halkara ýük daşaýjylary birleşikleriniň ýolbaşçylary gatnaşdylar.

Çäräniň dowamynda Türkmenistanyň Prezidenti Türkmenabada çenli ýokary tizlikli awtomobil ýolunyň Aşgabat-Tejen böleginiň açylyş dabarasy mynasybetli Gutlag sözi bilen çykyş etdi.

Dabaranyň çäklerinde Awstriýanyň «VCE Vienna Consulting Engineers ZT GmbH» kompaniýasynyň sebitleýin direktory täze ýoluň ýokary tizlikli awtoýollaryň taslamalaşdyrylmagy hem-de gurluşygy babatynda halkara hil standartlaryna laýyk gelýändigine şaýatlyk edýän halkara şahadatnamasynyň gowşurylýandygy barada habar berdi. Şeýle-de täze uly göwrümli desganyň ýokary hilini we howpsuzlyk aýratynlyklaryny tassyklaýan degişli resminamalar hem gowşuryldy.

Resminamalary gowşurmak çäresiniň tamamlanmagy boýunça, Türkmenistanyň Prezidenti «Aşgabat – Türkmenabat» ýokary tizlikli awtomobil ýolunyň edara binasyndaky Dolandyryş merkezinde howpsuzlyk, gözegçilik ulgamlarynyň tehnologiki aýratynlyklary hem-de ýoluň ulanylyşa girizilýän böleginiň tehniki taýdan enjamlaşdyrylyşy bilen tanyşdy.

Soňra Döwlet Baştutanyna ilkinji elektron töleg karty (transponder) gowşuryldy. Hormatly Prezidentimiz «Aşgabat – Türkmenabat» ýokary tizlikli awtomobil ýolunyň «Aşgabat – Tejen» böleginiň açylyp ulanmaga berilmegine Ak pata berdi we öz awtoulagynda Tejen şäherine tarap ýola düşdi. Ýoluň 21-nji kilometrinde Milletiň Lideri «Kamaz» kysymly ýük awtoulagynda synag geçirmek üçin belli bir aralygy geçdi we öz awtoulagyna münüp, ýoluny dowam etdi.

Ýokary tizlikli awtomobil ýolunyň 100-nji kilometrinde ýerleşen «Artyk» çatrygyna gelip, Türkmenistanyň hormatly Prezidenti iki gatdan ybarat söwda we dynç alyş merkezine bardy, onuň tehniki we binagärlik aýratynlyklary bilen tanyş boldy hem-de Hormatly myhmanlaryň kitabynda ýadygärlik ýazgy galdyrdy.


şu gün 02:57
260

Türkmenistanyň Prezidenti Ýaponiýa bilen hyzmatdaşlygy ösdürmegiň geljegi barada pikir alyşdy

27-nji iýunda Prezident Serdar Berdimuhamedow Aşgabada sapar bilen gelen «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyngurluşyk kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi...

şu gün 02:51
292

Serdar Berdimuhamedow «Kawasaki Heavy Industries, Ltd.» kompaniýasynyň ýolbaşçysyny kabul etdi

27-nji iýunda Prezident Serdar Berdimuhamedow Aşgabada sapar bilen gelen «Kawasaki Heavy Industries, Ltd.» kompaniýasynyň ýerine ýetiriji direktory Kendzi Sanadany kabul etdi. Bu barada TDH habar berýär. Işewür Arkadag şäheriniň uly ösüşlere eýe bolýandygyny belläp, döwlet Baştutanyny şäheriň iki ýyllygy mynasybetli gutlady...

şu gün 01:54
657

Türkmenistanda awiasiýa işgärlerini taýýarlaýan mekdepde ICAO tarapyndan tapgyrlaýyn okuwlar ýola goýlar

Türkmenistanda Raýat awiasiýa pudagy üçin halkara derejeli hünärmenleri taýýarlamak boýunça işler alnyp barylýar. Bu ugurda görülýän çäreler barada Ministrler Kabinetiniň ýanyndaky Ulag we kommunikasiýalar agentliginiň Baş direktory M...

şu gün 01:42
550

Serdar Berdimuhamedow dünýä döwletleri bilen ynsanperwer gatnaşyklary berkitmegi dowam etmegi tabşyrdy

27-nji iýunda geçirilen Hökümet mejlisinde wise-premýer, daşary işler ministri Raşid Meredow Türkmenistanyň Prezidentiniň ynsanperwer başlangyçlaryny mundan beýläk-de iş ýüzünde amala aşyrmak maksady bilen, Daşary işler ministrligi tarapyndan taýýarlanylan birnäçe teklipleri beýan etdi...