Ilon Maskyň baýlygy Tesla-nyň kapitallaşdyrmasyndan soň 25 mlrd dollar artdy

  • 27.10.2021 23:21
  • 3.9k+

“Forbes” žurnalynyň milliarderler bilen bagly sanawyndaky maglumatlara görä, Tesla kompaniýasyny esaslandyryjy Ilon Maskyň baýlygy 25,6 mlrd dollar (11,13%) artyp, 255,2 mlrd dollara ýetdi. Bu barada www.rbc.ru habar berýär.

Şol bir wagtyň özünde, Bloomberg-iň reýtingi Maskyň baýlygynyň 36,2 mlrd dollar ýokarlanandygyny, şondan soň onuň baýlygynyň 289 mlrd dollara ýetendigini görkezýär.

Häzirki wagtda Mask iki reýtingde-de birinji orny eýeleýär. Onuň yzyndan Amazon kompaniýasyny esaslandyryjy Jeff Bezos we Louis Vuitton Moet Hennessy kompaniýalar toparynyň prezidenti Bernar Arno gelýär.

Ilon Maskyň baýlygy duşenbe güni Tesla-nyň paýnamalary 9,75% ýokarlanandan we kompaniýanyň kapitallaşdyrmasy ilkinji gezek 1 trln dollara ýetenden soň artdy. Tesla bazar bahasy 1 trln dollardan geçen bäş kompaniýanyň biri boldy.

Tesla kompaniýasynyň görkezijileriniň şeýle ösüşi Hertz kärende hyzmatyndan taryhynda iň uly elektromobil sargytlaryny almagy bilen baglanyşyklydyr. Tesla 2022-nji ýylyň ahyryna çenli 100 müň elektromobili ýola goýmaly. Sargydyň esasy bölegini Model 3 elektromobilleri düzýär.


11.07.2025 01:30
3.9k+

ABŞ-nyň tehnologiýa kompaniýalary ýarym ýylda 94 000 işgäri EA bilen çalyşdy

2025-nji ýylyň başyndan bäri amerikan tehnologiýa kompaniýalary emeli aň çözgütleriniň ornaşdyrylmagy sebäpli 94 000 töweregi işgäri işden çykardy. Resmi statistika maglumatlaryna görä, iş prosesleriniň awtomatizirlenmegi köpçülikleýin işden çykarmalaryň esasy sebäbi boldy...

10.07.2025 14:01
4k+

X-iň baş direktory Ýakkarino işden gitdi. MrBeast bu wezipä özüni hödürledi

X (öňki Twitter) sosial ulgamynyň baş direktory Linda Ýakkarino kompaniýadan gidýändigini habar berdi. “Men iki ýyldan soň X-iň baş direktory wezipesinden gitmek kararyna geldim. Haçan-da biz Ilon Mask bilen ilkinji gezek X-iň geljegi barada gürrüňdeş bolanymyzda, men munuň kompaniýanyň ajaýyp missiýasyny durmuşa geçirmek üçin gowy mümkinçilik boljakdygyna düşündim...

01.07.2025 18:45
5k+

Forbes üstünlige özbaşdak ýeten iň baý 50 zenanyň sanawyny hödürledi

Forbes žurnaly karýerasyny özbaşdak guran dünýäniň iň baý 50 zenanynyň sanawyny hödürledi. Sanawa girmek üçin zenanlaryň baýlygy azyndan 2,1 mlrd dollar bolmalydy. Reýtingde birinji orny Şweýsariýadan 80 ýaşly Rafaela Aponte-Diamant eýeleýär...

27.06.2025 17:14
12k+

Dünýäniň iň baý adamlary 10 ýylda 33,9 trillion dollar baýady, iň garyp adamlary bolsa bergä batdylar

2015-nji ýyldan bäri dünýäniň iň baý adamlarynyň baýlygy häzirki aňlatmada 33,9 trillion dollar artdy. Muňa Oxfam-yň BMG-nyň Sewilýada geçýän ösüşi maliýeleşdirmek baradaky konferensiýasynyň öňüsyrasynda ýaýradan täze hasabaty şaýatlyk edýär...