26-njy oktýabrda EYR-na saparynyň çäklerinde Türkmenistanyň daşary işler ministri Raşid Meredowyň Eýran Yslam Respublikasynyň nebit ministri Jawad Owji bilen duşuşygy geçirildi. Bu barada mfa.gov.tm saýtynda habar berilýär.
Işjeň gepleşikleriň barşynda taraplar Türkmenistanyň hem-de Eýranyň energetika ulgamynda ägirt uly mümkinçilikleriniň bardygyny nygtamak bilen, taraplaryň bu ugurdaky ähmiýetli başlangyçlarynyň sebit hem-de halkara düzümleriň çäklerinde yzygiderli goldanylýandygyna kanagatlanma bildirdiler.
Şeýle-de gepleşikleriň dowamynda ýurtlaryň energetika ulgamyndaky özara hereketleriniň derwaýys meseleleri ara alnyp maslahatlaşyldy.
